Ngerang Mesaod A Biblia?

A Dios, ngonger a rokui el nglunguuch?

KE MO MELEKOI EL KMO, NGONGER A NGLUNGUCHIR A . . .

• Rokui el chad

• Rebebil

• Ngdiak el longer er a ngii di el chad

A LOLEKOI A BIBLIA

“Ng kmeed er tirkel rokui el. . . mera er a rengrir omekedong er ngii.”​—Psalm 145:18.

NGERA LMUUT EL BEBIL EL DESUUB ER A BIBLIA?

• A Dios a diak el longer a nglunguchir a rumtok er ngii. (Isaia 1:15) Engdi ngsebechir el ‘dmedesii tial tekoi’ el obengkel el oeak sel ngedechii a rolel a klengar er tir.​—Isaia 1:18.

• A Dios a onger a nglunguuch a lsekum a chad a kongei aike el kired el meruul el debetik el ngar er a Biblia.​—1 Johanes 5:14.

Ngar er ngii a ileakl el teletelel a doluluuch?

A REBEBIL A OUMERA EL KMO ngkirir el mo outubuach, e mo terrob, me a lechub e te odak a chimorir e meluluuch. Engdi, ngera uldesuem?

A LOLEKOI A BIBLIA

A Dios a mla onger a nglunguchir tirke el “dengchokl” e “dechor” me a lechub e te “terrob” me a lechub e te “outubuach.” (1 Kronika 17:16; 2 Kronika 30:27; Esra 10:1; Rellir 9:40) Engdi a Dios a kmal diak el longerechir er a mo teleteled sel doluluuch el mo er ngii.

NGERA LMUUT EL BEBIL EL DESUUB ER A BIBLIA?

• A Dios a onger a nglunguchir a rengariou a rengrir.​—Psalm 138:6.

• Ngsebechem el meluluuch el mo er ngii el ousbech a ngii di el bedengel a omelekoi me a lechub e kedi mengelulau.​—2 Kronika 6:32, 33; Nehemia 2:1-6.