Ngerang Mesaod A Biblia?

Ngsebechel a Biblia el ngosukau el mo diak el sebek a rengum?

Ke mo onger el kmo

• Chochoi

• Ngdiak

• Nglocha uaisei

A lolekoi a Biblia

‘Moterekokl a ikel rokui el tekoi el suebek a rengum er ngii [er a Dios], ele ng kerekikl el omekerreu er kau.’ (1 Petrus 5:7) A Biblia a meskau a omelatk el kmo, a Dios a sebechel el ngosukau el mo ngmai a ongelaod sel mchelebangel a sebekreng.

Ngera lmuut el bebil el desuub er a Biblia?

• Ngokiu a nglunguuch, e ngsebechem el nguu a “budech er a Dios” el kosadel a sebekreng.​—Filipi 4:6, 7.

• Me a lmuut el tang, ngsebechem el outekangel a ringelel a uldasu a lsekum ke menguiu er a Tekingel a Dios.​—Mateus 11:28-30.

Ngmo diak a sebekreng?

A rebebil a oumerang . . . el kmo a sebekreng me a ringelel a uldasu a blechoel el lechelebangel a rechad, e a rebebil a oumerang el kmo a sebekreng a mo diak er a uriul er a lemad a chad. Ngera uldesuem?

A lolekoi a Biblia

A Dios a mo okngemed aike el uchul a sebekreng. “Ng dikea lluut el mor ngii a kodall, e mo diak a klengiterreng, ma langel, ma ringel.”​—Ocholt 21:4.

Ngera lmuut el bebil el desuub er a Biblia?

• Ngar cheungel a Rengedel a Dios, e a rechad a mo kiei el ngar er a budech.​—Isaia 32:18.

• Ngmo diak a sebekreng me a ringelel a uldasu.​—Isaia 65:17.