(1) Ker, (2) Bades, me a (3) Bliongel

A kot el beot el rolel a dorous er a babier el Ngerang Mera el Lolisechakl a Biblia? a (1) moker a ker, (2) monguiu er a bades, e a (3) mochotii sel bliongel er a babier el mesaod el kirel a tekoi el mosaod er ngii el oeak sel monguiu aike el ker el ngar seikid el bliongel. A lsekum a chad a semeriar e ngsebechem el ochotii a rolel a omesubel a Biblia el ousbech aike el kot el parakurab er sel bliongel. Tiaikid el rolel a sebeched el ousbech er ngii el omuchel a omesubel a Biblia er sel taem me a lechub e ngsel deluut el mo oldingel er ngii.

◼ “Omomdasu e ngsebechir a rechad el mo ungil el medengelii ngika el Kot el Ngarbab el Ulemeob el ua losaod er ngii er tia el tekoi el ngar er a Biblia?” Monguiu er a Rellir 17:​26, 27, e mongiil er a nger er ngii. E momuchel el mesaod er a 1 el bliongel er tia el babier.

◼ “Kid el chelebangel a kmal betok el mondai er chelechang a uchul, e a omomdasu e ngsebeched el metik a ongelaod me a omelatk el ngii a medung er tia el bades?” Monguiu er a Rom 15:​4, e mongiil er a nger er ngii. E momuchel el mesaod er a 2 el bliongel er tia el babier.

◼ “Oleko ngngar er ngii a klisichem el meruul a tekoi, e ngdiak el soam el sumechokl aikakid el tekoi?” Monguiu er a Chocholt 21:​4, e mongiil er a nger er ngii. E momuchel el mesaod er a 3 el bliongel er tia el babier.

◼ “Omomdasu e a rengalek ngsebechir el mo dmeu a rengrir er aika el tekoi el medung er tia el chelitakl er a irechar?” Monguiu er a Psalm 37:​10, 11, e mongiil er a nger er ngii. E momuchel el mesaod er a 3 el bliongel er tia el babier.

◼ “Omomdasu e ngmo er ngii a taem el bo el lemotaut aika el tekoi?” Monguiu er a Isaia 33:​24, e mongiil er a nger er ngii. E momuchel el mesaod er a 3 el bliongel er tia el babier.

◼ “Kau ke oumerang el kmo a rulekoad a medengei aike el tekoi el loruul a redirk chad?” Mongiil er a nger er ngii. E monguiu er a Olisechakl 9:​5, e momuchel el mesaod er a 6 el bliongel er tia el babier.

◼ “Omomdasu e ngngar er ngii a techelled el mo mesterir a rebetik er a rengud el mla mad?” Monguiu er a Johanes 5:​28, 29, e mongiil er a nger er ngii. E momuchel el mesaod er a 7 el bliongel er tia el babier.

◼ “Omomdasu e ngngera el tekoi a kirel el mo meketmokl me bo el sebechel aike el soal a Dios el meruul er a beluulechad el ua omerellel er a eanged, el ua lolekoi sel kot el merael a chisel el nglunguuch?” Monguiu er a Matteus 6:​9, 10, e mongiil er a nger er ngii. E momuchel el mesaod er a 8 el bliongel er tia el babier.

◼ “Omomdasu e kede kiei er a chelsel a taem el losaod er ngii tia el ulaoch?” Monguiu er a 2 Timoteus 3:​1-4, e mongiil er a nger er ngii. E momuchel el mesaod er a 9 el bliongel er tia el babier.

◼ “A rebetok el chad a blechoel el melatk el kmo ngera uchul me a mondai er a klechad a kmal di merael el mo mekngit. Omomdasu e ngsebechel el mo mesmechokl aika el tekoi?” Monguiu er a Chocholt 12:​9, e mongiil er a nger er ngii. E momuchel el mesaod er a 10 el bliongel er tia el babier.

◼ “Ke mla ta el moureng el mo medengelii a nger er tia el ker?” Monguiu er a Job 21:​7, e mongiil er a nger er ngii. E momuchel el mesaod er a 11 el bliongel er tia el babier.

◼ “Omomdasu e ngsebechel el mo uchul a deurreng er a chelsel a delengcheklir a rechad a lsekum e te otireklii tia el uleklatk er a Biblia?” Monguiu er a Efesus 5:​33, e mongiil er a nger er ngii. E momuchel el mesaod er a 14 el bliongel er tia el babier.

Ngmo sebechel a chad el omechur er a omesubel a Biblia el mla meketmokl el eru el taem er a uriul er a lomuchel el mesuub el obengkel a chad, me a lechub e ngoumerang el kmo ngsebechel ngii el chad el melemolem el mesuub.