A Rolel a Dorous er a Biblia Olisechakl el Babier

Tia el chelsel el llel a babier a ngar er ngii a kakerous el tekoi el losaod el kirel a rolel a dorous er a Biblia Olisechakl el babier. A kot el ungil el rolel a sel dosaod er ngii el ousbech a ungil el cheldechedechad, e bo dekerekikl el omtab me bo el sebeched el kltmokl el melodech a cheldechedechad el oltirakl a blekerdelir a rechad el ngar er a territory er kid, e dirrek el bo el sebeched el melatk aike el meklou a ultutelel el tekoi el ngar er tia el babier. A lengar er ngii a lmuut el bebil er a rolel el sebeched el ousbech er a territory er kid e ngkmal di ungilbesul.

Armageddon

◼ “A rechad sel lerengesii a tekoi el ‘Armageddon,’ e a rebetok er tir a melatk el kirel a kmal klou el tellemall. Ngmo mechas a rengum a bo modengei el kmo tia el Armageddon a tekoi el kmal desemeriar el mengiil er ngii? [Mongiil er a nger er ngii. E monguiu er a Chocholt 16:​14, 16.] Ka mesa tia el omesodel a blekeradel er a klengar er a uriul er a Armageddon.” Momiis el mo er a 94 el llel, e monguiu er a parakurab 21.

Biblia

◼ “A rechad a blechoel el omes er a Biblia el Tekingel a Dios. Ngmla ta el molatk el kmo ngmekerang a babier el lulluches er ngii a rechad e sebechel el mo okedongall el Tekingel a Dios? [Mongiil er a nger er ngii. E monguiu er a 2 Petrus 1:​21 me a parakurab 5 er a 21-2 el llel.] Tia el babier a dirrek el meskid a nger er a Biblia el kirel aika el ker.” Mocholt aike el ker el ngar er a 6 el llel.

◼ “Chelecha el taem e a rechad a kmal klou a techellir el tiriter a betok el tekoi el mo medengei a belkul. Omomdasu e ngsebeched el metik a ulekrael er ker el ngii a sebechel el ngosukid el mo kiei el ungilbesul a klengar er kid, e dirrek el dmeu a rengud? [Mongiil er a nger er ngii. E sola e monguiu er a 2 Timoteus 3:​16, 17 me a parakurab 12 er a 25 el llel.] Tia el babier a smodii a rolel e ngsebeched el kiei el odeuir a rengul a Dios, e dirrek el mo uchul a klungioled.” Mochotii a chart me a siasing el ngar er a 140-1 el llel.

Kodall/Okiis

◼ “A rebetok el chad a melechedech el kmo ngera mo duubech sel lemad a chad. Omomdasu e ngsebeched el mo medengelii a nger er tia el tekoi? [Mongiil er a nger er ngii. E sola e monguiu er a Olisechakl 9:5 me a parakurab 5-6 er a 64-5 el llel.] Tia el babier a dirrek el ouchais er a telbiil el medung er a Biblia el kirel a okiis el kirir a rulekoad.” Mochotii a siasing el ngar er a 85 el llel.

◼ “Sel lemad a betik er a rengud e kede ulterekokl el oureng el soad el lmuut el mo omes er ngii. Kau ke kongei er tia el tekoi? [Mongiil er a nger er ngii.] A rebetok a mla metik a ongelaod el kirel a telbiil el medung el ngar er a Biblia el kirel a okiis. [Monguiu er a Johanes 5:​28, 29 me a parakurab 16-​17 er a 81 el llel.] Tia el bliongel a dirrek el onger aika el ker.” Mocholt aike el ker el ngar er a 74 el llel.

Diak a Ulebengelel el Klengar

◼ “A ruumesingd el chad a kmal oureng el mo mesisiich a bedengir e dirrek el mo kemanget a klengar er tir. Engdi oleko tiang a sebechel el mo tekoi, e ngdiak el soam el mo kiei el diak a ulebengelel? [Mongiil er a nger er ngii. E sola e monguiu er a Chocholt 21:​3, 4 me a parakurab 17 er a 59-60 el llel.] Tia el babier a mesaod a rolel e ngsebeched el mo kiei el diak a ulebengelel me a dirrek el blekeradel er a klengar el mo er ngii sel bo lemotaut tia el telbiil.”

Ongalek

◼ “Kid el rokui a ulterekokl el kmal soad a lengar er ngii a deurreng er chelsel a delengchekled. Kau ke kongei er tia el tekoi? [Mongiil er a nger er ngii.] A Biblia a ouchais el kirel a tekoi el sebechel a ongalek el meruul el mo uchul a deurreng er a chelsel a delengcheklir, e tia el omeruul a mo oukerebai er a Dios el olecholt er a bltikerreng.” Monguiu er a Efesus 5:​1, 2 me a parakurab 4 er a 155 el llel.

Blai

◼ “Ngar er a betok el basio, e ngkmal meringel el debetik a ungil el blai el beot a cheral el sebeched el mo kiei er ngii. Omomdasu e ngmo er ngii a taem el sebechir a rokui el chad el mo er ngii a ungil el delengcheklir? [Mongiil er a nger er ngii. E sola e monguiu er a Isaia 65:​21, 22 me a parakurab 20 er a 38 el llel.] Tia el babier a dirrek el smodii a rolel e ngmo tmaut tia telbilel a Dios.”

Jehovah el Dios

◼ “A rebetok el chad el oumerang er a Dios a dirrek el sorir el mo kmeed er ngii. Ke medengei el kmo a Biblia a mengemedaol er kid el mo kmeed er ngii? [Mongiil er a nger er ngii. E sola e monguiu er a Jakobus 4:8a me a parakurab 20 er a 18 el llel.] Tia el babier a mla meketmokl el mo ngosuterir a rechad el mesuub a lmuut el betok el kirel a Dios, el ousbech er a Biblia er tir.” Mocholt aike el ker el ngar a 8 el llel.

◼ “A rebetok el chad a meluluuch el sorir a lemechedaol me a lechub el mukebkall a ngklel a Dios. Ngmla ta el molatk el kmo ngtecha ngklel a Dios? [Mongiil er a nger er ngii. E sola e monguiu er a Psalm 83:18 me a parakurab 2-3 er a 225 el llel.] Tia el babier a mesaod el kmo ngerang a mera el osisecheklel a Biblia el kirel a Jehovah el Dios me a moktek er ngii el kirel a klechad.”

Jesus Kristus

◼ “A ruumesingd el chad er tia el beluulechad a mla remenges a chisel a Jesus Kristus. A rebebil a melekoi el kmo ngdi mle uai a rechad. E a rebebil a mengull er ngii el ua Kot el Ngarbab el Dios. Omomdasu e ngklou a ultutelel el bo doumerang aike el tekoi el kirel a Jesus Kristus?” Mongiil er a nger er ngii. E sola e monguiu er a Johanes 17:3 me a parakurab 3 er a 41-2 el llel. E mocholt er ngii aike el ker el ngar er a uchelel tia bliongel.

Nglunguuch

◼ “Ngmla ta el molatk el kmo ngmekerang a Dios a longer a nglunguuch? [Mongiil er a nger er ngii. E sola monguiu er a 1 Johanes 5:​14, 15 me a parakurab 16-​18 er a 196-8 el llel.] Tia el bliongel a dirrek el smodii sel uchul me ngkired el meluluuch el mo er a Dios, e ngera kired el meruul me bo el sebechel el remenges a nglunguched.”

Klechelid

◼ “A rebetok el chad a mla mo melechesuar el kmo a klechelid er tia el beluulechad a diak el sebechel el sumechokl a mondai e ngbai mla mo uchul a mondai er a klechad. Omomdasu a klechelid ngomekrael er a rechad el mo er a melemalt el rael? [Mongiil er a nger er ngii. E sola e monguiu er a Matteus 7:​13, 14 me a parakurab 5 er a 168 el llel.] Tia el bliongel a mo tiriter a elolem el tekoi el ngii a sebechel dongchii a rolel a omengull el Dios a kongei er ngii.” Mochotii a bldeklel aika el tekoi el ngar er a 169 el llel.

Meklou el Tellemall/Meklou el Ringel

◼ “Sel leduubech a meklou el tellemall e a rechad a mo rrau a rengrir e mo melatk el kmo a Dios a locha diak lomekerreu er a rechad e dirrek el diak leues a chelebulir me a ringelel a klengar er tir. Ke mla ta el molatk er tia el tekoi? [Mongiil er a nger er ngii. E sola e monguiu er a 1 Petrus 5:7 me a parakurab 11 er a 12-3 el llel.] Tia el babier a smodii sel rolel er a Dios a bo lolekngemed a rokui el ringel er a klechad.” Mocholt aike el ker el ngar er a 122 el llel.

Mekemad/Budech

◼ “A rechad er a bek el beluu a kmal mla mo oureng er a budech. Omomdasu e a omelatk el kirel a budech ngdi berrous el tekoi? [Mongiil er a nger er ngii. E sola e monguiu er a Psalm 46:​8, 9.] Tia el babier a smodii sel rolel e a Dios a mo otutii a moktek er ngii e dirrek el mo toketekii a budech er tia el beluulechad.” Mochotii a siasing el ngar er a 39 el llel e mosaod er a parakurab 17-​21 er a 37-8 el llel.

[Baks el ngar er a 5 el llel]

Rolel a Dosaod el Kirel a Tenget

“A lsekum e ngsoam el melenget a sesei el udoud er chelechang el kirel tia el ureor el meketmokl er a beluulechad el rokir, e ngkmal dmeu a renguk el nguu a tengetengem.”

“Alta e aika el babilengam a diak locheraol engdi aki kmal dmeu a rengmam el ngmai a ngelsurir a rechad el tir a sorir el olengeseu er tia el ureor el meketmokl er a beluulechad el rokir.”

“Ke ulterekokl el mo melatk el kmo ngmekerang e sebecham el kutmeklii tia el ureor. Tia el ureram el meliuekl er a beluulechad a meketmokl el okiu a tengetengir a rechad. Me ngkmal dmeu a renguk a lsekum e ke kongei el meskak a sesei el tengetengem el kirel tia el ureor er chelechang.”