Kerrir a Rechad

◼ Ngerang a ochotii el kmo ngsebeched el nguu a babier el msang a chad el dongedecheduch er ngii?

A klou a ultutelel el tekoi el kired el melatk er ngii a sel klemeriarreng er a chad. A lsekum e ngsemeriar, e ngsebeched el msang a teblo el makesin, brochure, buk me a lechub e ngii di el ta er a babilenged. E tiang a klemerang el mo lmuut me a lsekum e ngdi sesei me a lechub e ngdiak a udoud el lolenget el kirel tia el ureor. (Job 34:19; Och. 22:17) Nguaisei, engdi ngdiak lungil a dorous a babilenged el mo er tirke el diak loba omereng el saul el kirel.​—Mt. 7:6.

Ngmekerang a chad er a blai e ochotii el kmo ngsemeriar? A blekerdelel el kongei el mengedecheduch er kid a ta er a ungil el olechotel. Ngdirrek el kerekikl el lorrenges er kid sel dongedecheduch, e onger a ker el doker, e olecholt er a uldesuel el kirel a tekoi el dosaod er ngii. A lsekum e ngoltirakl er kid sel donguiu er a Biblia e ngochotii el kmo ngmengull er a Tekingel a Dios. Ngblechoel el ungil a lsekum kede oker er ngii el kmo ngsemeriar el menguiu er a babier el domsang me a lechub e ngdiak. A ruldingel a obliil a kirir el ungil el omtab el kmo a chad ngsemeriar me a lechub e ngdiak. Sel dousioning er a rael, e ngdiak lungil a bo dorous a babier, brochure, me a lechub e ngbuk el mo er a rebek el chad el me engelakl er bita er kid. A lsekum e ngdiak lulterekokl a uldesued el kirel a chad, e ngungil a di debsang a handbill me a lechub e ng tract.

Me ngdi osisiu, a ildisel a babier el lolai a ta el chad er a blil a babier a kirel el mo ultuil er aike el lousbech a chad me bo el sebechel el churrengelii a omesiungel, el diak lultuil er a klungel a tenget el sebechel el melecha er ngii. A tenget a diak lebo lomechar a babier, e ngbai olengeseu a rokui el tekoi el meketmokl el kirel tia el ureor er a berkel a klumech er a beluulechad el rokir. Me a omereng el saul er kid a rullid el mo melenget el mera el ngar er a rengud el diak el ngar er a sibes er kid, me bo el sebeched el olengeseu er a ureor er a Renged. (Mk. 12:41-44; 2 Ko. 9:7) Me tiang a mo uchul e kede di melai a babier el dousbech, me lak deterekeklii a omengitel a udoud el kirel aika el babier.

[Blurb el ngar er a 2 el llel]

A ruldingel a obliil a kirir el ungil el omtab el kmo a chad ngsemeriar me a lechub e ngdiak