Ngua Ngerang a Teletelel a Babier el Morous er Ngii?

Tiang a ungil el ker el kired el melatk er ngii er a uchei er a dorous er a babier. A ngii di el babier el deleu, e ngodech a chiro er ngii, e dechudech, me a lechub e ngteletat, a sebechel el mo uchul a otuub el kirel a cheldebecheled, e dirrek el sebechel el chosengur a chad el ngar er a blai, me ngdiak lesa tia el klebokel e uchul a klengar el tekoi el ngar er a chelsel tia el babier.

Kede mekerang e kerekikl a babilenged me di lungil a teletelel? A rebetok a mla metik er ngii el kmo ngungil a leblechoel el odak aike el osisiu el babier. El uai tiang, ngngar er ngii a blil a buk er tir, blil a makesin me a brochure, me a ileakl el blil a tract me a lmuut el bebil. Me sel bo lemerek el mengedecheduch e losuk er a Biblia me a ngii di el babier er a chelsel a deterir, e te kerekikl me ngdiak lemechimetemt. A rebebil el mla mo oldingel a mesuk a babier er a chelsel a folder me a lechub a plastic el tutuu. Me a ngii di el rolel a dongetmokl a babilenged, e ngdiak el soad el msa techellel a chad el mo melekoi a mekngit el tekoi el kirel a omesiunged e le kid el omsang a mechut e selesodel el babier.​—2 Ko. 6:3.