“Ak Mo Ngmai a Babilengem A lsekum e Ke Ngmai a Babilengek”

Tiakid a ongterir a rebebil el chad er a blai. Engdi kid a diak dekengei el omesterir a rechad aika el babilenged el mesaod er a Biblia me bo el sebechir el meskid a babier er a klechelid er tir el omerk a klsuul el tekoi. Me a leuaisei, e kede mekerang a doba delemedemek e dosaod er tia el tekoi el mo er tir? (Rom 1:​25) Ngsebeched el melekoi el kmo: “Ke mesulang er a tekingem. Me tilecha el babier ngerang melekoi el kirel a semecheklel a mondai er a klechad? [Mongiil er a nger er ngii. Me a lsekum e ngolengit er kau me monguiu er a babilengel me bo betik er a nger, e ngsebechem el omeklatk er ngii el kmo kau a milsaod a tekoi el ngar er a chelsel a babier el morous er ngii er a uchei er a omnguu el msang. E sola e monguiu me a lechub e mosaod er a Mateus 6:​9, 10.] A Jesus a mileketeklii el kmo a Rengedel a Dios a mo kutmeklii a soal a Dios er tia el chutem. Me a leuaisei, e ngak a di menguiu aike el babier er a klechelid el melisiich er a Rengedel a Dios. Ngsebechek el ochotii er kau el oeak a Biblia a bebil el tekoi el bo longetmokl a Rengedel a Dios?”