Kerrir A Rechad

◼ A uchei er a lenguu a kengei el mo metecholb a unbaptized publisher, e ngkirel el ua ngera klemengetel a taem el lebo er a miting e loldingel a obliil?

A techolb a kot el klou a ultutelel el tekoi el bo lolilt er ngii a chad. Sei a uchul me ngkirel el ngar er ngii a ungil el klemedengei er a chad el kirel a soal a Dios a bo loruul er a uchei er a lenguu a kengei el mo metecholb. Me a lmuut el tang, e ngkirel a chad el mla ochotii el kmo ngsoal el kiei el oltirakl a llechul a Dios.

A Rekristiano a muchelechel el kmo ngkirir el dmak, me a unbaptized publisher a kirel el olecholt el kmo ngblak a rengul el mo er a miting er a ongdibel. (Heb. 10:​24, 25) Ngdirrek el ungil a longer er a temel a miting. Oumesingd el taem, e ngdirrek el mla mo teloi er a Skuul el kirel a Urerel a Dios.

A Rekristiano a mla nguu a ngerachel el mo omerk er a ungil chais e meruul er a remo disaiplo, me a leuaisei, e ngkirel a unbaptized publisher el mo blechoel el oldingel a obliil er a uchei er a bo lemetecholb. (Mt. 24:14; 28:​19, 20) Ngkirel a chad el meruul er a omesiungel el tela el buil er a uchei er a bo lemetecholb? A chad a kirel el ousbech a taem el mo olecholt el kmo ngmera el ulterekokl a rengul el mo blechoel el oldingel e blak a rengul er a bek el buil. (Psa. 78:​37) Engdi tiang a diak el belkul a kmo ngousbech er a kemanget el taem el dimerekmo bo el sebechel el mo metecholb, e le ngsebechel el di ousbech a tela el buil. Ngkirel el ua ngera ildisel a temel er a odingel el loluches er a bek el buil? Ngdiak a ulterekokl el llach el kirel tiang. A remechuodel a kirir el omes er a blekerdelel a klengar er a derta me a derta el publisher e mo oba ungil e tabesul el uldasu el kirir.​​—Lk. 21:​1-4.

A remechuodel (me a lechub e ngta er a remesiou er a ongdibel el diak el betok a remechuodel er ngii) el tir a mo mengedecheduch er a chad el mo metecholb a kirir el melatk el kmo a rebek el chad a kakerous, me ngkirir el ousbech a tabesul el uldasu el kmo ngrredemelel a mo er a techolb me a lechub e ngdiak. Ngdirrek el sorir el mesa el kmo ngika el chad a mera el soal el mo ta er a Resioning er a Jehovah e ochotii a omereng el saul er ngii el kirel a techellel el teloi er a cheldebechelel a Jehovah e omerk er a klumech. A remechuodel a dirrek el kirir el melatk el kmo ngika el chad a dirkak lemukeroul er a tekingel a Dios e dirkak lebo er ngii a duch er ngii el uai tirke el mla metecholb el omerk er a klumech. A lsekum a remechuodel a omdasu el kmo ngika el chad a diak el rredemelel a mo metecholb, e ngkirir el ouchais er ngii er a uchul el ngar er a Bades el oeak a ungil rolel e ngosuir el mo ngmai a ngeso el okiu a tekingel a Dios.