Mousbech er a Web Site er Kid el Olisechakl er a Rengelekiu
1. Ngerang a moktek er sel telengtengil a Web site er kid el kmo “Children”?
1 A Web site er kid el jw.org a mileketmokl el mo omeksemeriar er a rekakerous a rekrir el chad. A ta er a telengtengil tia el Web site el kmo “Children” (bo er a Bible Teachings > Children) a ngosuterir a remekekerei el ngalek me a ruungalek el mo olekes a deleuill er tir me a deleuill er tir me a Jehovah. (Dut. 6:6, 7) Ngmekerang a omousbech er tiang el olisechakl er a rengelekem?
2. Ngmekerang a omolilt a suobel el ungil el kirir a rengalek el ua meklungir a rengelekem?
2 Molodech a Rolel a Omoruul a Tekoi: A derta el ngalek a kakerous aike el lousbech. (1 Ko. 13:11) Me ngmekerang a omolilt a suobel el ungil el kirir a rengalek el ua meklungir a rengelekem? Di lekau el oker el kmo: ‘Ngera el tekoi a bo el lesemeriar er ngii a rengelekek? Ngua ildisel a ngera el tekoi a sebechir el mo medengei? Ngua klteketel a ngera el taem a lousbech el mesuub? Ngsebechem el mesaod a cheldecheduch el ngar cheungel a “My Bible Lessons” el mo er a rengalek el edei el moriou a rekrir. A bebil el telungalek a oldeu a rengrir er aike el cheldecheduch er a Biblia el ngar sel “Teach Your Children.” E dirrek el sebechem el melatk aika el ongingil el tekoi.
3. Te mekerang a ruungalek e mo meduch el ousbech aike el tekoi el bo loruul er a temel a Omengull el Telungalek?
3 Aike el Tekoi el Bo Moruul er a Temel a Omengull el Telungalek: Aika el tekoi a sebechel ngosuterir a ruungalek el mesuub el obengterir a rengelekir. Betir sel download button, e mchiuii a “Parents’ Guide” el kirel a derta el tekoi el sebechiu el meruul el ngosukemiu el mesuub a rolel a mongetmokl aika el tekoi. Mousbech a babier el ngar er ngii a sunga er ngii el olisechakl er a remekekerei el ngelekem. Molengeseu er a remeklou el ngalek el mo meruul aike el suobel. Aika el rokui el tekoi a mesaod er a osisiu el cheldecheduch me a suobel er a Biblia, me a rengalek el kakerous a rekrir a sebechir el mo teloi er a temel a omengull el telungalek.
4. Ngera sebeched el metik el ngar sel “Become Jehovah’s Friend”?
4 Become Jehovah’s Friend: Aike el video, chelitakl, me a kuk bebil er a tekoi el ngar tia el Web site er kid a ngosuterir a ruungalek el mo olisechakl er a Tekingel a Dios el mo er a remekekerei el ngelekir. (Dut. 31:12) A derta el mekedeb el cartoon a olisechakl a klou a ultutelel el suobel. Aike el tekoi el ua search-and-find games a meketeklii el kmo aika el suobel a meklou a ultutelel. A rengalek a blechoel el sorir el mengitakl me a chelitakl a ngosuterir a rengalek el mo melatk aike el bla lesuub. Sei a uchul me a chelitakl er a Renged me a chelitakl el milluches el ileakl el kirir a rengalek a blechoel el mocholt er tia el Web site er kid.
5. Ngera me a ruungalek a kirir el olengit er a Jehovah me lengesuterir el olisechakl er a rengelekir el kirel a klemerang?
5 Ruungalek, a Jehovah a soal a bo mungil el chedam me a chedil. Me molengit er ngii me lengesukemiu el mo olisechakl er a rengelekiu el kirel a klemerang. (Men. 13:8) Me ngokiu a ngelsuil a Jehovah, e ngsebechem el olisechakl er a rengelekem el mo ‘omekllomes a rengrir e mekroleterir el mo oumerang er a Kristus Jesus me te mo suobel.’—2 Ti. 3:15; Osi. 4:1-4.