Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a September

“A rebetok el chad a oumerang el kmo ngar er ngii a rechanghel. E kau? [Mongiil er a nger er ngii.] A rechanghel el diak lemoues a kmal mesisiich, engdi omomdasu e ngsebechir el ngosukid? A Biblia a ouchais er kid er a rolel a lolengeseu er a klechad er chelechang.” Mochotii a ikrel a September 1 el Ongkerongel, e mdak el mesaod er a suobel el ngar cheungel sel kot el ker me a kesengil e ngta er aike el bades. Bsang a babier, e mketmeklii a taem el mluut el mo mesaod er a ongingil el ker.

A Ongkerongel September 1

“A omomdasu e a rechad te mla tomellii tia el chutem me ngdikea el lluut er a smechel? [Mongiil er a nger er ngii.] Me alta rechad a diak el sebechir el sumechokl aika el tellemall el bla leruul, engdi a Biblia a ouchais el kmo a Dios a sebechel e kmal soal el sumechokl. Ngar er ngii a oterekeklel tia el tekoi el ngar er a Psalm 65:⁠9. [Monguiu.] Tia el Ongkerongel a mesaod er a rolel a Dios a bo longetmokl er tia el chutem me a rolel e ngsebeched el oldeu a rengud er aike el klengeltengat el mo er ngii er a ngar medad el taem. Ngsebechek el mecherei me ke mo menguiu er ngii?”