Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a Ongeuid el Buil

“Kau ke omes er a klechelid el kmo ngmelisiich a bltikerreng me a budech me a lechub e ngklauketui me a uldikel? [Morrenges er a nger er ngii.] Me kuchotii er kau a ta er a tekoi el kirel tiang.” Mochotii er a chad er a blai a June 1 el Ongkerongel, e mdak el mesaod er a suobel el ngar cheungel sel kot el kekerei el dai el ngar er a 26 el llel me a ta er a bades. Bsang aika el makesin, e mketmeklii a taem el mluut el mong e mosaod er sel ongingil el ker.

A Ongkerongel June 2012

“A rebetok el chad a oumerang el kmo a klechelid me a balatiks a ungil a ledak el oureor, engdi a rebebil a omdasu el kmo ngdiak el kirel el uaisei. Ngera uldesuem el kirel tiang? [Morrenges er a nger er ngii.] Ka me bo desa el kmo ngmilekerang a Jesus er sel taem el rechad a mle sorir a bo el teloi er a balatiks er a taem er ngii. [Monguiu er a Johanes 6:​15.] Tia el makesin a mo mesaod er a uchul me a Jesus a mirruul el uaisei e dirrek el mesaod er sel kot el ungil el rolel e ngsebechir a Rekristiano el olengeseu aike el basio el lekiei er ngii.”

A Ongkerongel June 2012

“Kau ke omes er a Biblia el kmo ng Tekingel a Dios, me a lechub e ke omdasu el kmo ngkuk di ta er a ungil el babier? [Morrenges er a nger er ngii.] Ka momtab a lolekoi a Biblia. [Monguiu er a 2 Petrus 1:​21, e sola e mochotii a suobel el ngar er a 28 el llel.] Tia el suobel a olecholt er a uchul me ngsebechel el mo ulterekokl a rengud el kmo a Biblia a mla er a Dios el mei.”