Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a July

“A ruumesingd el chad el ki mongedecheduch er tir a sorir a lebo er ngii a budech er a beluulechad. Engdi ngdirk ngar er ngii a mekemad. A omomdasu, e ngera uchul me ngdiak a kmal budech er a beluulechad?” Mongiil er a nger er ngii. Mochotii a ulebongel el llel a June 1 el Ongkerongel, e mosaod er a suobel el ngar cheungel sel kot el ker me a ta er a bades. Bsang a magazine, e mketmeklii a taem el mluut el mong e mosaod er a ongingil el ker.

Uleklatk: Tia el olechotel a domuchel a cheldechedechad a kirel el motobed er sel miting el kirel a odingel er a July 6.

A Ongkerongel June 1

“Aki di oldingel er tia el hang er kemiu el mengedecheduch er a rechad el kirel a mondai el dechelebangel er ngii el rokui. A ruumesingd el chad a mla ta el bo lechelebangel a tekoi er a omengetukel. A omomdasu e ngar er ngii a ngii di el basio el ngar er a beluulechad el diak a omengetukel er ngii? [Mongiil er a nger er ngii.] Ka momtab er a uldesuel a Dios el kirir a rokui el chad. [Monguiu er a Rellir 10:34.] Tia el magazine a mesaod er a rolel a Dios a bo lokngemedii a tekoi er a omengetukel.”

Ungil Chais el Mla er a Dios!

“Aki oldingel er a bek el telungalek el ngar tia el hang er kemiu el ouchais el kirel a kmal ungil el uldasu el ngar er a Biblia. A rebetok el chad el ki bla mongedecheduch er tir a oker el kmo ngera uchul me a betik a rengul el Dios a kongei me ngmelemolem a ringel er tia el beluulechad. A omomdasu e a ringel ngmle uldimukl er a telbilel a Dios el kirel a beluulechad er a kot el uchul?” Mongiil er a nger er ngii. Bisii a brochure el mo er a 5 el suobel, e monguiu e mosaod aike el eru el parakurab me aike bades el ngar er ngii. Bsang a brochure, e mketmeklii a taem el mluut el mong e mosaod er sel ongingil el ker.