Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a Ongeuid el Buil

“A rebetok el chad a oumerang el kmo a taem el dekiei er a chelsel a kmal merechereched el engelakl. Te omekedong er tia el taem er kid el ‘uriul sils.’ Omomdasu e ngmera el sebeched el mo medengei el kmo kede kiei er a uriul sils? [Morrenges er a nger er ngii.] Omomdasu e tia el Bades er a Biblia ngmesaod er a taem el dekiei er ngii?” Monguiu er a 2 Timoteus 3:⁠1. E bsang a ta er a Ongkerongel er a ongelolem el buil, e mosaod aike el elolem el ulaoch el ngar tia el babier. Mnguu ngii el babier el msang, e mketmeklii a taem el sebechiu el lmuut el mo dmak e mosaod er a nger er a ker el kmo, “Ngera mo duubech er a ulebengelel aike el uriul el sils?” er a parakurab 3 er a 10 el llel.

A Ongkerongel June 2011

Monguiu er a Psalm 37:​10, 11. E moker er a chad el kmo: “Omomdasu e ngsebeched el mereched el mo mesa otutel tia el telbiil? [Morrenges er a nger er ngii.] Tia el makesin a mesaod a elolem el kakerous el ulaoch er a Biblia el domes el toutang er chelechang, e ngii el ulaoch a olechotel a kmo a otutel tia el telbiil a kmal di kmedung.”

A Ongkerongel June 2011

“Omomdasu e a rechad, ngngar er ngii a klou el techellir el tomellii tia el beluulechad? [Morrenges er a nger er ngii.] A rebetok el chad a metik a ongelaod er a tekoi el medung er tia el Bades. [Monguiu er a Chocholt 11:​18, e mchiuii a parakurab 5 er a 8 el llel.] Tia el makesin a mesaod a eim el bebil er a ulaoch el ngar er a Biblia el kmal sebeched el omes a otutel er chelecha el taem. Aika el ulaoch a olechotel a kmo ngkmal di kmedung a Dios el mo olsobel er tia el chutem er a chimorir tirke el melemall er ngii, e dirrek el mo omekbeches er ngii el mo paradis el beluu el ngii a di mla moktek er ngii er a kot el uchul.”