Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a December

“Aki ngar er tiang el meruul er tia el ureor el mo er a buai el kirel a telungalek. Te betok el rechedam me a rechedil a sorir a rengelekir a bo lebetik a rengrir er a Dios. Me a omomdasu e tiang ta er a tekoi el sebechir a ruungalek el osisecheklterir a rengelekir, me a lechub e a rengalek ngkirir el di tir el mesuub el mo betik a rengrir er a Dios?” Mongiil er a nger er ngii. Mochotii a ikrel sel December 1 el Ongkerongel, e mdak el mesaod er a suobel me a lekesengil e ngta er aike el bades el ngar cheungel sel kot el ker. Bsang a babier, e mketmeklii a taem el mluut el mong el mo mesaod er a ongingil el ker.

A Ongkerongel December 1

“Aki kora di oldingel er a rechad e mengedecheduch er tir el kirel a Dios. Aki medengei el kmo a rokui el chad a ngar er ngii a kakerous el uldesuir el kirel a Dios. A omomdasu e a rebetok el chad te omes er ngii el kmo ngdiak lomekerreu e diak a uldesuel el uai kid, me a lechub e ngsechelid el kmal omekerreu er kid? [Mongiil er a nger er ngii.] A bades er a Biblia a subedid el kmo a Dios ngsoal a leua ngera deleuill er kid el obengkel. [Monguiu er a Jakobus 4:8a.] Tia el babier a outline a kldei el tekoi el sebeched el meruul me bo dekeed er a Dios.”