Bebil er a Rolel a Domuchel a Cheldechedechad

Chisel a Renged No. 38

“Ak teloi er tia el ureor er a beluulechad el rokir el merous er tia el klou a ultutelel el klumech. Tiakid a babilengem.”

Uleklatk: Bo el kedeb a cheldechedecham me bo el sebeched el rokir a basio el doldingel er ngii. Engdi a lebebil er a taem, e a chad er a blai a kmal semeriar e soal el mengedecheduch. A leuaisei, e ngsebechem el ousbech er tia el kedeb el cheldecheduch el sebechel el mo uchul a omesubel a Biblia. Ngungil a di lekedeb a cheldechedecham.

“A rebetok el chad a oumerang el kmo a rokui el ungil el chad a mo er a eanged. Ngmla ta el molatk el kmo ngerang melekoi a Biblia el kirir tirke el mo er a eanged me a uchul e te mong?” Mongiil er a nger er ngii. Mochotii sel suobel el ngar er a 32 el llel a November 1 el Ongkerongel, e mdak el mesaod er a suobel el ngar cheungel a kot el ker me a ta el bades. Bsang a magazine, e mketmeklii a taem el mluut el mong e mosaod er a ongingil el ker.

Ongkerongel November 1

“Ngera uldesuem, ngera el blulak el tekoi a mla medung el kirel a Dios? [Mongiil er a nger er ngii.] A doltirakl er a Biblia, e a Dios a soal a rechad a bo loubltikerreng e loumerang er ngii. [Monguiu er a Isaia 41:13.] Tia el magazine a olecholt a edei el blulak el tekoi el kirel a Dios el rullii el mo meringel er a rebebil el mo kmeed er ngii.”