Tekoi el Molekoi a Omoldingel

Omuchel a Omesubel a Biblia er Sel Kot el Sebadong er a Ongeteruich me a Ongeru el Buil

Mnguu a tract el Kau Ngsoam el Mo Medengelii a Klemerang? el msang a chad er a blai e moker er ngii er tia el ker. E mdu el kmo: “Aikakid a di bebil er a meklou a ultutelel el ker el kmal sebeched el metik a nger er ngii er a chelsel a Biblia. Ngmla ta el molatk aika el ker?” E a uriul er a longer er kau e ngsebechiu el dmak el mesaod er a nger er a ta er aika el ker, e menguiu er a ta er a bades. Moterekeklii a temem el lmuut el mong e mosaod er a ta er aike el ker.

A Ongkerongel November 2011

Mochotii a ikrel tia el makesin, e moker el kmo, “Ngmo ua ngera uldesuem a lsekum ke mo medengei el kmo a tekoi el mulsuub el kirel a Dios a blulak? [Mongiil er a nger er ngii.] Ka momtab er a tekingel a Jesus er a losaod er a klekakerous er a klemerang me a blulak. [Monguiu er a Johanes 17:17.] Me ngdi ta el Biblia a ouchais a klemerang el kirel a Dios. Me tia el makesin a mo mesaod a eim el blulak el tekoi el kirel a Dios el Biblia a sebechel el meketakl.”

A Ongkerongel November 2011

“A rebetok el chad a omdasu a kmo a Dios a kmal diak lomekerreu er a klechad, e le ngkmal klou a chelebuul me a ringel el domes er chelechang. Ngua ngera uldesuem el kirel tia el tekoi? [Mongiil er a nger er ngii.] A Biblia a bleketakl el ochotii el kmo a Dios a kmal lomekerreu er a derta er kid. [Monguiu er a 1 Petrus 5:⁠7.] Tia el makesin a sebechel el mo ngosukau el suubii a klemerang el kirel a Dios el ngar er a Biblia.”