Doba Klemeriarreng el Melisiich er a Tang me a Tang el Mo Meruul a Ungil el Tekoi

A Hebru 10:24 a melisiich er kid me bo “de kaukerreu e de kaingeseu el olecholt er a bltikerreng e doruul a ungil.” Ngsebeched el melisiich er a rudam er kid el oeak sel dolecholt a ungil el kerebai me sel dolecholt a klaumerang er kid. Mouchais a ungil el tekoi el dilubech el leko er kau el mo er a rebebil el ngar er a ongdibel. Bechititerir me lesa deurreng el momelechesiu er ngii sel mosiou er a Jehovah. E a osisiu el taem, e lak momekesiu er tir er kau me a lechub a rebebil. (Gal. 6:⁠4) Mosiik a rolel e bo el sebechem el ousbech er a klisichem el mo melisiich er a rebebil el mo ‘olecholt er a bltikerreng e loruul a ungil,’ el diak louuchel a rengrir e loruul a ungil. (Momes er a Ministry School el babier, 158 el llel, parakurab 4.) A lsekum e kede melisiich er a rechad el mo oubltikerreng, e te mo meruul a ungil el tekoi el ousbech aike el ngar er ngii er tir me a dirrek el oeak a berkel a klumech.​—2 Ko. 1:24.