Bebil er a Rolel a Domuchel a Cheldechedechad

Kirel a Ureor er a Omerusel a Invitation er a Chedaol Belsoil

“Aki merous er tia el invitation el kirel a kmal klou a ultutelel el kldibel. Ngar er a April 3, e a rebetok el miliol el chad el meliuekl er a beluulechad a mo dmak el mengedaol er a kodellel a Jesus Kristus e mo orrenges er a diak locheraol el cheldecheduch er a rolel e a kodellel a mo uchul a klungioled. Tia el invitation a ochotii a taem me a basio el lebo er ngii tia el kldibel er a beluad.”

A Ongkerongel March 1

“A April 3 a sel sils el lemlad er ngii a Jesus Kristus. A bebil er a rechad er a beluad a mo dmak er tiaikid el sils e mengedaol er ngii, engdi ngar er ngii a rebebil el omdasu el kmo a kodellel a Jesus a diak el sal klou a ultutelel. Ngera uldesuem? Omomdasu a kodellel me a okisel a Jesus ngmo uchul a klungioled? [Mongiil er a nger er ngii.] Ka momtab a lolekoi a Tekingel a Dios el kirel tiang. [Monguiu er a 1 Korinth 15:22, 26.] Tia el babier a mesaod er a klungiolel a olubet el tengetengel a Jesus el kirel a ngar medad el klebesei el kmo, ngmo diak a ta el chad el ngar tia el chutem el mo mad.”