Bebil er a Rolel a Domuchel a Cheldechedechad

Kirel a Omerusel a Chedaol el Blsoil

“Ngkmal somam el ouetkeu er kau me a telungalek er kau el mei er tia el kmal klou a ultutelel el tekoi el ngii a mo meketmokl er a beluulechad el rokir er a March 26. A temel tia el Chedaol el Blsoil a sel sils el lemlad er ngii a Jesus. Ngmo er ngii a diak el ocheraol el cheldecheduch el mesaod el kmo a kodellel a Jesus ngmekerang a lengesukid. Tia el siotaikeng a olecholt er a taem me a basio el lebo er ngii tia el Chedaol el Blsoil.”

A Ongkerongel February 1

“Ngsomam el mo medengelii a uldesuem el kirel a chad el Rekristiano me a Rechijudea me a rechad er a Moslem a kmal oba klou el omengull el kirel. Ngika el chad a Moses. Ngera kot el tekoi el mei er a uldesuem sel mrengesii tia el ngakl? [Mongiil er a nger er ngii.] Alta ngmiruul a cheleuid el tekoi, engdi a Biblia a kmal ungil a omesodel el kirel. [Monguiu er a Duteronomi 34:10-12.] Tia el babier a mesaod a edei el ungil el blekerdelel me a rolel e ngsebeched el oukerebai er ngii.”

A Ongkerongel February 1

“A rebetok el chad a omdasu el kmo a Diabelong a uchul aika el mekngit el tekoi er tia el beluulechad. Engdi te mo melatk el kmo: ‘Ngmla er ker el mei? A Dios ngulemeob er ngii?’ Ngera uldesuem? [Mongiil er a nger er ngii.] Ka momtab er tiang.” Mochotii a suobel el ngar er a ikrel a February 1 el Ongkerongel e mosaod er a kot el parakurab me aike el bades. Bsang a magazine e mketmeklii a taem el mluut el mong el mo mesaod er a ongingil el ker.