A Job a Millemolem el Blak a Rengul Alta Ngchilebangel a Ongarm

A Job a kiliei er a beluu er a Uz er sel taem el rechad er a Israel a mle sibai er a Ekipten. Alta ngdimlak el chad er a Israel, engdi ngkmal mle blak a rengul el mengull er a Jehovah. Ngkmal mle klou a telungalek er ngii, e mle merau, e dirrek el mle merael a chisel el chad. Ngmle ungil a tekingel e melemalt a loukerrekeriil, e dirrek el ullengeseu er a remechebuul. A Job a kmal mle blak a rengul el chad.

A Job a ulechotii el kmo a Jehovah a kot el klou a ultutelel er a klengar er ngii

1:8-11, 22; 2:2-5

• A Satan a mle medengelii a blakerreng er a Job. Me ngdimlak loumededenger er a blekongesenges er ngii el mo er a Jehovah, e ngbai uluumededenger er sel uchul me a Job a milsiou er a Jehovah

• A Satan a ultelechakl el kmo a Job a di milsiou er a Jehovah el kirel a omeksaul el lolai

• Me a bo longer er tia el ultekengel a Satan, e a Jehovah a milecherei a Satan me longarm er a Job. Me a Satan a tilemall a rokui el tekoi er a klengar er a Job

• Me a Job er a lemelemii a blakerreng er ngii, e a Satan a kuk mlo oumededenger er a blakerreng er a rokui el chad

• A Job a dimlak lebo er a klengit e loltelechakl er a Dios el kirel a ngii di el mekngit el tekoi