Moumerang er a Jehovah e Moruul a Ungil

“Lak mechechei er tirkel meruul a chelebirukel”

37:1, 2

• Lak becherei a ungil klengar er a remekngit el chad me bo lechesengkau me lak bo mosiou er a Jehovah. Moltaut a osengem er aike el klengeltengat er a omesiungem me a turrekong er kau el mo er a Jehovah

“Moumeral ulsirs er a RUBAK e moruul a ungil”

37:3

• Moumerang el kmo a Jehovah a mo ngosukau sel bo mchelebangel a ngii di el sebekreng me a lechub e ngklaumededenger el kirel a tekoi. Ngmo ngosukau el lomelemii a blakerreng er kau

• Molemolem el mechesang el ouchais er a ungil chais er a Rengedel a Dios

“Mosiik er a deuil a rengum el obengkel a RUBAK”

37:4

• Moterekeklii a taem el bo mo menguiu er a Tekingel a Dios e melebedebek er ngii me bo el sebechem el mo ungil medengelii a Jehovah

“Modersau el mor a RUBAK”

37:5, 6

• Bo mui el oumerang el kmo a Jehovah a mo ngosukau er a ngii di el mondai el bo mchelebangel er ngii

• Molemolem el olecholt a ungil blekeradel sel mchelebangel a ultok, me a odechelakl, me a cheleuid el omesodir a rebebil el kirir a Resioning er a Jehovah

“Bo mchelellakl er medal a RUBAK, e moba kllourreng el mengiil er ngii”

37:7-9

• Lak morreched el meruul a tekoi el sebechel tomellii a deurreng me a deleuill er kau me a Jehovah

“Tirkel medemedemek a mo ungilbesrir el kiei el ngar a beluu”

37:10, 11

• Bo moba delemedemek el reng, e bo el ngariou a rengum el mengiil er a Jehovah el mo okngemed a rokui el diak el melemalt el omeruul el kau a chelebangel

• Molisiich er a rekldemem er a klaumerang, e mongelaod er tirke el mechitechut a rengrir el oba telbilel a Dios el kirel a beches el beluulechad, el kmal di kmedung e ngmo tmaut