Lmuut el Mo Ungil a Duch er Kid el Ngar er a Omesiunged​—Mousbech a Video el Olisechakl

A UCHUL ME NGKLOU A ULTUTELEL:

Aika el video a sebechel el remutech a rengrir a rechad e le ngsebechir el omes e orrenges a tekoi er a chelsel. E tiang a ngosuterir el mo kerekikl el orrenges e diak lobes aike el tekoi el lomes. A Jehovah a mla kutmeklii a kmal ungil kerebai er a rolel a dousbech aike el klekedall el ngosukid el mo olisechakl.​—Rel 10:9-16; Och 1:1.

Aike el video el Does God Have a Name?, me a Who Is the Author of the Bible?, me a How Can We Be Sure the Bible Is True? a sebeched el orrael sel dosuub er a Ungil Chais el babier er a 2 me a 3 el suobel. E aike el video el Ngera Me Ngkirem el Mesuub er a Biblia?, me a Ngera Meketmokl er a Omesubel a Biblia?, me a Ngera Meketmokl er a Blil a Ongdibel? a melisiich er a rechad el mo mesuub a Biblia el obengked me a lechub e te mei er a miting er kid. Ngdirrek el sebeched el ousbech aike el kuk bebil er a video er a cheldebecheled el mo olisechakl er a rechad sel dosuub el obengterir.​—km 5/13 3.

ROLEL A MORUUL ER NGII:

• A kot, e ke download er sel video el soam el ousbech er ngii

• Mketmeklii a tang me a lechub e ngteblo el ker el bo mo oker er a chad er a blai el sebechel monger el mengai er tia el video

• Mdak el omes er a video

• Mosaod aike el meklou a ultutelel el tekoi

MOLASEM ER TIANG:

• Momes er a ikrel a ta er aike el tract er kid e mochotii a code el ngii a ngoikid el mo er a video el Ngera Me Ngkirem el Mesuub er a Biblia?

• Mochotii sel video el Ngera Me Ngkirem el Mesuub er a Biblia? e bsang a Ungil Chais el babier, e mosaod er a 3 el suobel