Lmuut el Mo Ungil a Duch er Kid el Ngar er a Omesiunged​—Olengeseu er Tirke el Mesuub er a Biblia el Mo Tuib a Rengrir e Mo Metecholb

A Uchul Me Ngklou a Ultutelel: A chad a kirel el tibir a rengul el mo er a Jehovah e mo metecholb a lsoal el nguu a kengei er ngii. (1Pe 3:21) E seikid e ngmo melechesuar er a ulekerreuil a Jehovah a lsekum e ngkiei el oltirakl er a telbilel a rengul. (Psa 91:1, 2) A Kristiano a tibir a rengul el mo er a Jehovah, el diak lebo er a chad, me a ureor, me a lechub e ngcheldebechel. Sei a uchul me a chad el mesuub er a Biblia a kirel el mekurulii a bltkil a rengul me a omereng el saul er ngii el mo er a Dios.​—Rom 14:7, 8.

ROLEL A MORUUL ER NGII:

• Me sel mosuub, e mosaod el kmo tia el suobel ngera ngouchais er kid el kirel a Jehovah. Molisiich er ngii el mo menguiu er a Biblia er a bek el sils e loluluuch el “di blechoel.”​—1Th 5:17; Jak 4:8

• Molisiich er ngii el mo meruul er a turrekong er ngii el mo tibir a rengul el mo er a Jehovah e mo metecholb. Mngesuir el dirrek el mo meruul a mekekerei el turrekong er ngii, el uai a longer er a miting me a lechub e lousioning el mo er a retonari er ngii me tirke el ledak el loureor. Lak mobes el kmo a Jehovah a diak lorrimel er a chad el mo mesiou er ngii. A chad a kirel el di ngii el tibir a rengul el mo er a Jehovah.​—Dut 30:19, 20

• Molisiich er ngii el mo melodech a blekerdelel me bo el sebechel el odeuir a rengul a Jehovah e bo lemetecholb. (Osi 27:11) A bebil er a blekerdelel a locha mo meringel er ngii el mengoit a uchul me ngungil a bo blechoel el olengeseu er ngii el mo choitii sel mechut el klechad er ngii. (Efe 4:22-24) Molecholt er ngii aike el suobel el ngar er a Ongkerongel el dai er ngii a kmo “A Biblia a Melodech er a Klengar er a Rechad”

• Mouchais er ngii er a deurreng el molechesuar e le kau el mesiou er a Jehovah.​—Isa 48:17, 18