Kau ke kirel ker er tia el rael el mora techolb?
MKIEI EL UA KLENGAR ER A REKRISTIANO
Mngiltii el Mo Mesiou er a Jehovah
A lsekum ke ngeasek el dirkak metecholb el publisher me a lechub e ke ta er a mesuub er a Biblia, e ngturrekong er kau el mo metecholb? Ngera uchul me ngungil molatk el mo metecholb? A telbilel a reng me a techolb a uchul a ileakl el deleuill lobengkel a Jehovah. (Psa 91:1) Ngdirrek el uchul a osobel. (1Pe 3:21) Ke mekera olengeriakl el mo nguu a telbilel a reng me a techolb?
Moterekeklii a rengum el kmo, tiang a klemerang. Sel lebo er ngii a kerim, e moruul a research. (Rom 12:2) Momes a omelodech el mousbech, e molodech er a klengar er kau le ngsoam lodeuir a rengul a Jehovah. (Osi 27:11; Efe 4:23, 24) Bo blechoel meluluuch el mo er ngii el kirel a ngeso. E bo lulterekokl a rengum el kmo ngmo smisichau e ngosukau loeak chedaol reng er ngii. (1Pe 5:10, 11) A meringel el urerem a diak lak a ultutelel. Ngdiak a mo ungil klengar el ua sel dosiou er a Jehovah!—Psa 16:11.
MOMES ER A VIDEO EL THE ROAD TO BAPTISM, E MONGER AIKA EL KER:
A rebebil te mlo mesisiich a ngera el omelsemai me bo el sebechir el mo metecholb?
Ke mekera mekurulii a klaumerang el mousbech er ngii el mo tongetengii a klengar er kau el mora Jehovah?
Ngera rirelleterir a rebebil el mo olengeriakl el mo nguu a techolb?
Ngera el klengeltengat a mo er tirke el ngiltii el mo mesiou er a Jehovah?
Ngera belkul a telbilel a reng me a techolb?