Molisechakl er a Klemerang

Ngomuchel er a September, e a Subeled er a Miting er a Klengar er Kid me a Omesiunged a mo er ngii a beches el suobel er ngii el dai er ngii a kmo “Molisechakl er a Klemerang.” A moktek er kid a soad el ouchais er a chad a ta er a klemerang er a Biblia, el ousbech er a ker me a bades.

A lsekum a chad a semeriar, e ngsebeched el kutmeklii a rolel e kede lmuut el mo oldingel er ngii el oeak a debsa ta er a babier me a lechub e kede ochotii a video el ngar er a jw.org. Ngsoad el melasem el lmuut el mo oldingel er ngii er a di chelsel a sesei el klebesei me bo el sebeched el mekurulii a klemeriarreng er ngii. Aike el beches el rolel a domuchel a cheldechedechad me aike el cheldecheduch el motobed er a Moltaut er Ngii er a Omesiungem a mo mengai er a Biblia Olisechakl el babier. Ngsebeched el metik a bebil er a bades el mo ngosukid el lmuut el mo oldingel er a chad me a lechub e kede mo mesuub el obengkel el ousbech er a di Biblia el ngar er aike el mekedeb el omesodel a bliongel.

Ngdi tang a rael el mo er a klengar. (Mt 7:13, 14) E kid a mengedecheduch er a rechad el kakerous a klechelid me a blekerdelel a klengar er tir a uchul, me ngkired el ouchais a klemerang er a Biblia el ngar er a rolel e ngsebeched el mo rutechii a rengul a derta el chad. (1Ti 2:4) Me sel deblechoel el mesaod a kakerous el suobel er a Biblia e lemukeroul a duch er kid el ‘melemalt a dosaod a klemerang,’ e ngmo klou a deurreng er kid e mo sebeched el ungil osisecheklii a klemerang el mo er a chad.​—2Ti 2:15.