MOLTAUT ER NGII ER A OMESIUNGEM
Lmuut el Mo Ungil a Duch er Kid el Ngar er a Omesiunged—Mketmeklii a Cheldechedecham el Mo Merous a Ongkerongel
A UCHUL ME NGKLOU A ULTUTELEL: Alta e ngar er ngii aike el rolel a domuchel a cheldechedechad el ngar tia el babilenged el subeled er a miting el meskid a ungil uldasu er a rolel a dongedecheduch er a rechad, engdi aikang a di bebil er a rolel a doruul er tiang. Ngdirrek el ungil a dousbech a di tekinged. Me a lechub e ngsebeched el kuk mesaod er a ngodech el tekoi el lesemeriar er ngii tirke el doldingel er tir. A leuaisei, e sel bo demerek el menguiu er a Ongkerongel, e domes aika el rolel a domuchel a cheldechedechad, me aike el video el kirel, e ngsebeched el ousbech aika el bebil er a rolel el beldukl er iou el mo kutmeklii a cheldechedechad.
ROLEL A MORUUL ER NGII:
Di kau el oker er kau el kmo, ‘Ngak, ngsoak el ousbech er a ta er aike el rolel a domuchel a cheldechedechad?’
CHOCHOI
Mketmeklii a mo uchelel a cheldechedecham. A uriul er a doutkeu er a chad, e douchais er ngii er a uchul me kede oldingel a obliil. (El uai tiang: “Aki oldingel a obliil e le . . . ”)
Molatk er a rolel a bo mosaod er a ker, me a bades, me a babier el bo morous er ngii. (El uai tiang: A lsoam el mesaod er a bades, e ngsebechem el melekoi el kmo, “A kmal ungil el nger er tilecha el ker a sebeched el metik er ngii er tiang.”)
DIAK
Mngiltii a suobel er a Ongkerongel el kau a semeriar er ngii e dirrek el bo el semeriar er ngii a rechad el ngar er a basio el moldingel er ngii
Mngiltii a ker el bo moker er ngii er a chad er a blai el rullii el mo soal el mengedecheduch engdi ngdiak bo luchul e lerellii a chad el mo merur. (El uai tiang: Aike el ker el ngar er a 2 el llel tia el babier.)
Mngiltii a bades el bo monguiu er ngii. (Engdi a lsekum e ke merous a kuk ta er a babier el mileketmokl el mo er a buai, e ngsebechem el lousbech a bades, e le ngmileketmokl el kirir tirke el diak lsal medengelii a Biblia e locha diak loumerang a klechelid.)
Mosaod er a tang me a lechub e ngeru el uchul e a chad er a blai a mo ngmai a klungiolel a longuiu er sel suobel el mulsaod er ngii
NGII DI EL TA ER NGII
Mketmeklii a ker el bo monger er ngii sel omluut el mo oldingel er a chad el semeriar
Mluches aike el bo mosaod me lak mobes aike el bo molekoi