Ngmekera Dousbech er A Rolel a Domuchel a Cheldechedechad

Ngulemuchel er a January 2018 e a rolel a domuchel a cheldechedechad a mocholt er a medal a babier el A Klengar er Kid a Rekristiano me a Omesiunged​—Subeled er a Miting. Ngmekera dousbech er ngii?

Sel Doruul er a Part er Kid er a Miting: Mousbech er a ker, bades, me sel ker el bo donger er ngii sel deluut el mong. Me nguaisei engdi tia diak lebelkul a kmo, ngkirem el oltirakl aike el tekoi el ngar sel video el olecholt er a ketenged el mengedecheduch. Ngsebechem el meruul er a part er kau el ngar er a chelsel a ngodech el blekeradel, ngodech a rolel omomuchel er a cheldechedecham, ngodech a rolel a omomeob er a cheldechedecham, me a lmuut el bebil. Ngdirrek el sebechem el msa chad a ta er aike el babier el ngar er a Blil a Dongu alta ngdiak luldimukl er a part el kau a meruul er ngii.

Sel Domerk er a Klumech: Aike el ngar er a rolel a domuchel a cheldechedechad a di omeskid a ngeso er a uldasu. Me a lsekum a chad a olecholt er a klemeriarreng e soal lmuut el mo medengei a betok e molemolem er a cheldechedecham, e ngsebechem el ousbech er sel ongingil ker me a bades. Ngsebechem el ngmodech a tekoi er aike el rolel a domuchel a cheldechedechad me a lechub e kousbech er a kuk ta er a tekoi el soam. A tekoi el mulsaod er ngii er odingel er tia el mlo merek el buil, me a lechub e ngkuk ta er a bades nglocha ungil el kirel a basio el moldingel er ngii? A rechad er a beluu te kerekikl a tekoi el dirk dilubech me a lechub e ngtekoi er a news? Me a teletelel a omousbech er a rolel a domuchel a cheldechedechad a di mo ior er kau, engdi a klou a ultutelel el kirem el mo oltirakl er ngii a kmo, “a kuruul el tekoi el rokui a di kirel a Ebangkelio, me ng mo sebechek el ngma dikesek er a klengeltengat er ngii.”​—1Ko 9:22, 23.