A Rolel a Domuchel a Cheldechedechad Lousbech a Tract

Ngulemuchel er sera January 2018 el mei, e a medal a babilenged el Subeled er a Miting er a Klengar er Kid me a Omesiunged a mla er ngii a rolel a domuchel a cheldechedechad. Tiang a melisiich er kid el mo mengedecheduch er a rechad er a bai di domesterir a babier. Ngmo ngosuterir a re publisher el mo melodech a rolel a lomuchel a cheldechedecherir, lokiu sel lousbech a video, el ochotii a rolel e te omuchel a cheldechedecherir el di ousbech er a Biblia. Me tiang belkul a kmo ngdikea dorous a babier sel doldingel a obliil? Ngdiak leuaisei! El ua tiang, a tract er kid a dirrek el kot lungil dousbech lomuchel a cheldechedechad. Ngsebeched lousbech aika el beldukl el rolel sel dorous a ngii di el tract:

1. Moker aike el ker el ngar a medal a tract.

2. Mochotii a nger er ngii el ngar a bades er a Biblia el ngar sel ongeru el llel. E a lsekum ngdirk ngar ngii a taem, e monguiu e mosaod a bebil tekoi el ngar a chelsel ngii el tract.

3. Bsang a tract, e molisiich er ngii el mo menguiu er ngii el rokir er sel lungil temel.

4. A uchei er a omorael, e mochotii er ngii a “Tekoi el Sebechem el Melatk” e moker er a ker, e mketmeklii a tekoi el soam el mo mesaod er ngii sel omluut el mong el mengai a nger er ngii er a Biblia.

Sel mluut el mong, e mosaod er a nger e moker er a lmuut el ta er a ker, el bo mosaod er ngii. Ngsebechem el ngiltii a ker el ngar a website er kid me a lechub e ngar a babier el losaod er ngii er a ikrel. E momes er a ungil taem, e mochotii er ngii a brochure el Ungil Chais el Mla er a Dios! me a lechub e ngta er a babier el ngar a Blil a Dongu el Kirel a Osisechakl.