Ngmekera Dousbech er a Rolel a Domuchel a Cheldechedechad

A rudam a kmal meringel loureor el prepare aike el rolel a domuchel a cheldechedechad, e betok el publisher a mla metik el kmo ngkmal oureor sel lomerk er a klumech. Me nguaisei, a blekeradel a di kakerous er a beluulechad el rokir me a re publisher a sebechir el lousbech el ngar er a omesiungir a kuk ta er a rolel el sorir a rechad er a territory er tir. Me nguaisei engdi ngkired loltirakl a ulekrael sel letemel a campaign. A turrekong er kid a otutii a ngerachel el lebilskid a Jesus el mo omerk er a ungil chais er a Renged.​—Mt 24:14.

A re publisher sel loruul a part er tir er a miting e ngkirir lousbech er a rolel a domuchel a cheldechedechad el ngar er a Subeled er a Miting er a Klengar er Kid me a Omesiunged. Engdi ngsebechir el ngodechii a ker, bades, a rolel e kede lmuut el mong, me a lechub e ngblekeradel leseluk er ngii, a lsekum e ngdmu ulekrael. Tia beches el ngeldechel a ulekrael el tilobed er a 8 el llel a subeled er a miting er a June 2020.