Lmuut el Mo Ungil a Duch er Kid el Ngar er a Omesiunged—Mengetmokl a Uchelel a Cheldechedechad

A Uchul Me Ngklou a Ultutelel: A lsekum a uchelel a cheldechedechad a diak lomeksemeriar er a chad, e ngsebechel el torebengii a cheldechedechad er a uchei er a dousioning el mo er ngii. Sei a uchul me a rebetok el publisher a omdasu el kmo a uchelel a cheldechedecherir a kot el klou a ultutelel. Me alta e a bebil er a rolel a domuchel a cheldechedechad a ngar er a Omesiunged el Kirel a Renged me a Reasoning el babier, engdi ngdiak el blechoel el uldimukl er a cherrungel el uchelel a cheldecheduch el uchul me bo el sebeched el ousbech a di tekinged. Ngmo lmuut me a lsekum a uchelel a cheldechedechad a cherrungel e a re publisher a sebechir el ngodechii me a lechub e te di tir el kutmeklii a cheldechedecherir. Seikid e ngmo ungil a cheldechedechad a lsekum e kede mo kerekikl el mengetmokl er a bai di dolekoi a tekoi el ngar er a uldesued sel lenguu a chesimer a chad er a blai.—Osi. 15:28.

Rolel a Moruul er Ngii:

Mngiltii a suobel el bo mosaod er ngii. Ngkirel el mengai er sel babier el bo morous er ngii e kirel el bo lesemeriar er ngii a rechad er a beluam.
Bo mkerekikl el mengetmokl aike el bo molekoi er a uriul er a omoutkeu er a chad. Ngsebechem el omuchel el melekoi el kmo: “Ak mlei er tiang e le . . . ,” “A rebetok el chad a melatk el kirel a . . . ,” “Ngsoak el mo medengelii a uldesuem el kirel a . . . ,” me a lechub a kuk ta er a tekoi. A mekedeb e beot el tekoi a blechoel el ungil. A rebebil el publisher a mesuub el mo ungil el medengelii a uchelel a cheldechedecherir.
Mketmeklii a ker el oker er a uldesuel a chad el rullii el mo soal el mengedecheduch. (Mt. 17:25) Lak mobes el kmo nglocha millebedebek a bebil er a tekoi er a uchei er a obong, me a kerim a kirel el beot me ngsebechel a cheldecheduch el melemolem.

Molasem er Tiang er Chelecha el Buil:

Mketmeklii a telkib el taem er a temel a omengull el telungalek er kemiu el mengetmokl e melasem a uchelel a cheldechedechemiu.
Sel moruul er a omesiungem e mouchais aike el tekoi el molatk el mo melekoi el mo er tirke el bebil er a re publisher. (Osi. 27:17) Mngedechii a uchelel a cheldechedecham a lsekum e ngdiak el oureor.