Lmuut el Mo Ungil a Duch er Kid el Ngar er a Omesiunged​—Sel Deluut el Mo Oldingel er a Chad el Semeriar

A UCHUL ME NGKLOU A ULTUTELEL: A rebetok el chad el sorir el orrenges er a klumech er a Renged a sorir el mo medengelii a klemerang el kirel a Dios. (Isa 55:6) Me ngkired el blechoel el mo oldingel er tir a lsoad el mekekokid el lolisechakl er tir. Engdi a rechad a kakerous a tekoi el lechelebangel, me ngkakerous a rolel a domekeroul er a klemeriarreng er tir. Me ngsebeched el ngosuterir a bo dungil el kltmokl e dirrek el deketmeklii a rolel e ngsebeched el lmuut el mo oldingel er tir. E a uchul me kede meruul er tiang a soad el omuchel el mesuub er a Biblia el obengterir.

ROLEL A MORUUL ER NGII:

• Molasem el mo oldingel er a chad er a di mereched el taem, el uriul er a sesei el klebesei.​—Mt 13:19

• Bo lechelellakl a rengum e lungil a blekerdelem e molecholt a omengull el mo er ngii

• Momuchel el outkeu er ngii e mousbech er a ngklel. Mouchais er ngii er a uchul me ke lmuut el mo oldingel er ngii. E tia locha mo onger er a mle keril, ke omsa babier, ke olecholt er a website er kid, ke olecholt a video, me a lechub e ke olecholt er a rolel a dosuub a Biblia el obengkel a chad. A cheldechedecham bo loltirakl er aike el tekoi el soal el mesaod.​—Fil 2:4

• Molubs er a tane er a klemerang el mla medalem er a rengul el oeak sel mouchais a ta er a bades er a Biblia e bsang a ta er a babier. (1Ko 3:6) Mokurulii a ungil deleuill el obengkel

• Mketmeklii a rolel e ngsebechem el lmuut el mo oldingel er ngii