What Is True Love?

A Jehovah a kiltmeklii a chebechiil er a delongelel a sechal me a redil el mo diak a ulebengelel. (Gen 2:22-24) A di ta el rolel e a chebechiil a sebechel el medort a lsekum a ta er tir a mo er a laokreng. (Mal 2:16; Mt 19:9) Me a Jehovah a soal a rebechiil el chad a bo ledeu a rengrir er a chebechiielir me ngmla kutmokl a omellach el sebechel ngosuterir a Rekristiano el mo ungil melilt er a remo becherir me a dirrek a rolel e ngsebechel el melemolem el ngar er ngii a deurreng er a chebechiil. ​—Oli 5:4-6.

MOMES ER A VIDEO EL WHAT IS TRUE LOVE?, E MONGER AIKA EL KER:

• Ngera me a tekoi el ledilu Frank me a Bonnie el mo er a ngelekir er a Liz a mle olechotel a llomeserreng me a bltikerreng?

• Ngera me ngdiak el rolel a llomeserreng a momdasu el kmo ngsebechem el ngodechii ngike el chad el molatk el mo bechil?

• A Paul me a Priscilla te milsa Liz a ngera el ungil el ulekrael?

• Ngera me ngmlo er ngii a mondai er a chebechiielel a Zach me a Megan?

• Ngera el osisiu el rolel a omesiou a mle soal a John me a Liz el meruul er ngii?

• Ngera me ngkired el “meral” mo medengelii a chad er a uchei er a bo dolatk el mo bechil? (1Pe 3:4)

• Ngerang a mera el bltikerreng? (1Ko 13:4-8)