“Mongkar”

25:1-12

Alta Jesus a millekoi er tia el okesiu er a reteruich el ekebil el mora rengellitel, engdi a klumech el ngar er ngii a dirrek el mora rokui el Kristiano. (w15 3/1 12-16) “Misei e mongkar, e ngdiak modengelii sel sils me sel sikang.” (Mt 25:13, BT) Me kau, ngsebechem el mesaod er a okesiu er a Jesus?

• Ngike el mo bechiil (vs. 1)​—Jesus

• Mellomes a rengrir e kltmokl el ekebil (vs. 2)​—Rengellitel el Kristiano el tir a kltmokl el oltaut a ngerechelir el oba blakerreng e dmiich el ua llomes el mo lmuut er a ulebongel (Fil 2:15)

• A diu el kmo: ‘Ngkakid ngikel chad el mo bechiil’ (vs. 6)​—Olechotel a kmo ngmla omuchel a demiel a Jesus

• Mekebelung el ekebil (vs. 8)​—Rengellitel el Kristiano el mo olsiuekl er Ngike el chad el mo bechiil engdi ngdiak lolemolem el klekar e leblak a rengrir

• Tirke el mellomes a rengrir el ekebil el diak el sorir el merous a chelucherir (vs. 9)​—Uriul er a ulebongel el olangch, e ngmla mo diak el sebechir a reblak a rengrir el ngellitel el mo olengeseu er a ngii di el chad el mlo diak el blak a rengul

• ‘Ngmlei ngike el chad el mo bechiil’ (vs. 10)​—A Jesus a mei el mo oukerrekeriil er a taem el kmedu ulebongel er a kloul ringel

• Tirke el mellomes a rengrir el ekebil a mo tmuu er sel lengar er ngii a merengel a chebechiil el obengkel ngike el mo bechiil, e a tuangel a mechesimer (vs. 10)​—A Jesus a mengudel er a reblak a rengrir el ngellitel el mora eanged, engdi tirke el diak el blak a rengrir a diak lebong