Mongitakl Loldanges er a Jehovah el Dmeu a Rengum

A Paulus me a Silas a uleldanges er a Jehovah lokiu a chelitakl er a lekelebus. (Rel 16:25) E tia ulterekokl el millisiich er tir el mo outekangel. E kid a kuk mekerang er chelechang? Aike el chelitakl el kirel a omengull er kid me aike el original song a sebechel smisichid, e ngosukid el mo melemolem el blak a rengud sel bo dechebangel a ringel, e a ngarbab er ngii, ngodanges el mora Jehovah. (Psa 28:7) Kede mla ngmai a omelisiich el mo medengei a tekoi er a bebil er aike el chelitakl. Me kau, ke mla melasem er tia el tekoi? Ngsebeched el lousbech er a temel a omengull el telungalek er kid el mo mesuub aika el chelitakl me aike el tekoi er ngii.

MOMES ER A VIDEO EL CHILDREN PRAISE JEHOVAH IN SONG, E MONGER AIKA EL KER:

• Ngmo uchul a ngera el klungioled sel dongitakl aika el chelitekled?

• Ngmekera Audio/Video Department a longetmokl el mo record er a rechad el mo mengitakl?

• Ngmekera rengalek me a telungalek er tir a longetmokl er tir el mo record a chelitakl?

• Ngera soam el chelitakl, e ngera uchul?