Molemolem el Melai a Osisecheklel a Dios

A UCHUL ME NGKLOU A ULTUTELEL: A Ngarbab el Sensei el Jehovah a meskid a kot lungil rolel a osisechakl. Ngolisechakl er kid er a rolel a bo lungil a klengar er kid, e kutmeklid el kirel a mengasireng el klengar er a ngar medad, e tia el rolel a osisechakl a diak locheraol! (Isa 11:6-9; 30:20, NW, 21; Och 22:17) Ngokiu a osisecheklel a Jehovah, e ngdirrek lolisechakl er kid el mo ouchais er a rechad er a klumech luchul a osobel.​—2Ko 3:5.

ROLEL A MORUUL ER NGII:

• Momekeroul a blekeradel el klengariourreng me a delemedemekerreng.​—Psa 25:8, 9

• Mo ungil ousbech aike el osisechakl el Jehovah omeskau er chelechang el uaike el subelem er a miting er a Ongeua el Ureor

• Mruul a turrekong er kau er a klereng.​—Fil 3:13

• Mruul a omelodech er a klengar er kau me bo el sebechem el ngmai a lmuut el betok el osisechakl.​—Fil 3:8

MOMES ER A VIDEO EL SPIRITUALLY RICH BY JEHOVAH’S TEACHING, E MONGER AIKA EL KER:

• Ngera el omelsemai a blo lemesisiich er ngii a rebebil el publisher el mlora Skuul el Kirir a Rumerk er a Rengedel a Dios?

• Ngera el osisechakl a meketmokl er sel Skuul el Kirir a Rumerk er a Rengedel a Dios?

• Ngmilekera rechedal a ongdibel, e ngilsuterir tirka el tilobed er tia el skuul el kirel a beches el ngerachel el mloterekokl er tir?

• Ngera kired el meruul me bo el sebeched el mora Skuul el Kirir a Rumerk er a Rengedel a Dios? (kr-E 189)

• Ngera bebil er a osisechakl el sebechem el ngmai lokiu a cheldebechelel a Jehovah?