“Bo Mungil el Melebedebek a Ikel Tekoi”

Ngera el tekoi? A Filipi 4:8 a omeklatk er kid el mo melebedebek aike el tekoi el ungil e rredemelel odanges; e merang, e chetengakl, e melemalt, e klikiid, e olechau a bltikerreng, e kuoll. Nguaisei engdi tia diak el belkul a kmo a Rekristiano a di kirir el omdasu el kirel a Biblia er a bek el taem. Aike el domdasu a bai kirel el odeuir a rengul a Jehovah, el diak bo luchul e ngmo meringel er kid a lomelemii a blakerreng er kid el mo er Ngii.​—Psa 19:14.

Ngsebechel mo meringel el dongeroid er kid er a mekngit el uldasu. Ngkired el oltngakl a ngelbesel a rengud me a dirrek el omengesuseu er a Satan, el ngii a “chelid er tia el beluulchad.” (2Ko 4:4) Ngii el mengedereder aika el tekoi er a media, el lokiu a T.V. me a razio me a Internet me a babier a uchul, me ngkmal kikiongel a tekoi er a chelsel. Me ngkired el mo kerekikl el melilt aike el tekoi el domekeek er a uldesued, e le lak e ngmo kikiongel a uldesued el mo uchul e kede mo remuul a mekngit.​—Jak 1:14, 15.

MOMES ER A VIDEO EL AVOID WHAT ERODES LOYALTY​—IMPROPER ENTERTAINMENT, E MONGER AIKA EL KER:

• 

  Ngera ngulemes er ngii ngike el odam el ngar er a dengua er ngii, e tia ngera ngrirellii er a uldesuel?

• 

  Ngmilekera bades er a Galatia 6:7, 8 me a Psalm 119:37 e ngosuir?