Kau, Ke Melai a Klungiolem er a Examining the Scriptures Daily?

A tekoi er a klereng er kau, nguldimukl er a omengiuel a bades me a omesodel el ngar a Examining the Scriptures Daily? A lsekum e ngdiak, e kele lungil mrellii el mo ta er a tekoi el moruul er ngii? A rebetok a menguiu er a bades er a dirk tutau, me ngsebechir el melatk er ngii sel loruul a chelsengrir er sel sils. (Jos 1:8; Psa 119:97) Ngoeak a ngera el rolel e ke ngmai a klungiolem er ngii el bades? Monguiu aike el bades er uchei me a uriul er tia el bades me bo mungil medengelii a omesodel. Molasem el melatk er a cheldecheduch el ngar a Biblia el oltaut er a uleklatk el ngar tia el bades. E sola e molasem loltaut er ngii er a klengar er kau. Me sel taem el Tekingel a Dios a mo er ngii a lerellii er a omelilt el moruul, e ngomekrael er a klengar er kau e dirrek el mo uchul a klungiolem.​—Psa 119:105.

A telungalek er a Bethel el meliuekl er a beluulechad a dmak el mesaod er a Examining the Scriptures Daily er sel temel a blengur er a tutau. E ngar aika el mereko el rak, e a betok er aika el omesodel a motobed er a JW Broadcasting^® er cheungel a PROGRAMS AND EVENTS. Me ngoingerang e kulemes er a chimo er ngii? Nglocha ngar ngii a bebil el tekoi er a chelsel el kau a kmal lousbech. El ua tiang, ngoeak a ngera el rolel e a cheldecheduch el kirel a Lot a ngar ngii a lengesuir er kau el kirel a omelilt el moruul?

MOMES ER A VIDEO EL DO NOT LOVE THE WORLD (1JN 2:15), E SOLA E MONGER AIKA EL BELDUKL EL KER:

• Ngera el omellach er a Biblia a mle uchetemel a omesodel tia el Morning Worship?

• Ngoeak a ngera el rolel e a cheldecheduch el kirel a Lot a mesaod er a telemellel a bo lebetik a rengud er tia el beluulechad me a lechub a tekoi el ngar a chelsel?​—Gen 13:12; 14:12; 19:3, 12, 13, 24-26

• Kede mekerang e ochotii el kmo ngbetik a rengud er a Jehovah el diak el beluulechad me a lechub a tekoi el ngar a chelsel?