Bo Mesisiich el Dechor er Chelecha el Lolekeda Ulebongel

A UCHUL ME NGKLOU A ULTUTELEL: Ngdi kmedu e ngmo duubech a meklou el tekoi el mo melasem er a blekenged me a klaumerang er kid er a Jehovah el ngar er a rolel el dirkak a ta el bo dechelebangel er ngii. A kloul ringel a mo omuchel loeak a telemellel a klsuul el klechelid. (Mt 24:21; Och 17:16, 17) Me ngar er a chelsel tia el meringel el blekeradel, e kede locha mo omerk er a mesisiich el klumech er a kerrekeriil. (Och 16:21) Kede mo modechelakl er a Kok er a Makok. (Ese 38:10-12, 14-16) Me a Jehovah a mo omekerreu er a rechedal loeak a “mekemad el mor ngii er sel klou el Sils er a Dios el Olab a Bek el Klisiich.” (Och 16:14, 16) Me a dolisiich er a blekenged el kirel aika el tekoi el mo duubech er a ngar medad, e ngkired el mo mesisiich el dechor sel bo lemeasem a klaumerang er kid er chelecha el taem.

ROLEL A MORUUL ER NGII:

• Bo bekeu el mesebechakl a llechul a Jehovah el kirel a ungil me a mekngit e bo mkiei el oltirakl.​—Isa 5:20

• Molemolem el teloi er omengull el obengterir a rekldemed el Kristiano.​—Heb 10:24, 25

• Bo mkltmokl el olengesenges a ulekrael el mlara cheldebechelel a Jehovah.​—Heb 13:17

• Molebedebek aike el rolel e a Jehovah a ulelsobel er a rechedal er a ngar er a mong.​—2Pe 2:9

• Moluluuch el mora Jehovah e motilii a klaumerang er kau er ngii.​—Psa 112:7, 8

MOMES ER A VIDEO EL FUTURE EVENTS THAT WILL REQUIRE COURAGE​—EXCERPT, E MONGER AIKA EL KER:

• 

  Ngera el omelsemai a dilubech el mora re publisher el tir a mlukrael el mo obengkel a kuk ta er a ongdibel?

• 

  Ngmekera blekeu me a blekongesenges e dmak el oureor?

• 

  Ngera uchul me kede ousbech er a blekeu sel lemei a Armakedon?

• 

  Ngera el cheldecheduch er a Biblia a sebechel el ngosukid el mo melisiich er a klaumerang er kid er a klisichel a Jehovah el olsobel er kid?​—2Kr 20:1-24