Moldanges er a Jehovah el Ta er a Pioneer

A rechad er a Israel a mla er ngii a ileakl el uchul e ngkirir el oldanges er a Jehovah. Ngika ultebedeterir er a Ekipten e ulsebelterir er a resoldau er a Farao! (Exo 15:1, 2) A Jehovah a dirk melemolem el meruul a ungil mora rechedal. Ngmekera dochotii el kmo kede oba omereng el saul?​—Psa 116:12.

A ta er a rolel a omosiou el auxiliary me a lechub e ng regular pioneer. Ngsebechem el meluluuch el olengit er a Jehovah me lebeskau a urungulem me a klisichem el mo mesiou el ta er a pioneer. (Fil 2:13) A rebebil a omuchel el mesiou el auxiliary pioneer. Ngsebechem el meruul a 50 me a lechub e ng 30 el sikang er aike el buil er a March me a April me a dirrek el sel buil er a odngelel ngike el odam el oldingel a ongdibel. Sel bo molechesuar er a deurreng el mo er ngii sel mosiou el auxiliary pioneer e nglocha mo soam el olengeriakl el mo ta er a regular pioneer. A rebebil el oureor el mui el taem me a lechub e ngngar er ngii a secherir a mla mo mesiou el regular pioneer. (mwb16.07 8) Me a Jehovah a kmal rredemel a ngmai odengesed sel de meringel el oureor el oldanges er ngii!​—1Kr 16:25.

MOMES ER A VIDEO EL THREE SISTERS IN MONGOLIA, E MONGER AIKA EL KER:

• 

  Ngera el omelsemai a blo lemesisiich er ngii tirka el tedei el odos me bo el sebechir el mesiou el pioneer?

• 

  Ngera el klengeltengat a bla lengai?

• 

  Ngera el ileakl el techall er a omesiou a lengilai er a losiou el regular pioneer?

• 

  A ungil kerebai er tir ngera ngrirellii el mora rebebil?