Kede Olecholt er a Bltikerreng Sel Dotirakl a Omesmechokl er a Jehovah

A omesuld el ngakl a omekerreu er a ongdibel e dirrek el mesmechokl er a chad el diak lekengei lobult. (1Ko 5:6, 11) Sel dotirakl omesmechokl er a Jehovah e kede olecholt er a bltikerreng. Tia ngmekera uaisei a lsekum e nguchul a ringel el mora rechedal a chad el mesuld a ngklel me a chelechad er a remechuodel el oukerekeriil?

Ngaruchei er ngii, e kede ochotii a bltkil a rengud el mora Jehovah e le ngdiak el soad a lemetemall a chisel me a llechul el kirel a cheledaol. (1Pe 1:14-16) Kede dirrek el lochotii a bltikerreng el mo er ngike el milsuld a ngklel. Alta mesisiich el omesmechokl a mo uchul a ringel engdi ngmo “meridm a redechel a ungil klengar er a budech.” (Heb 12:5, 6, 11) Me a lsekum e kede melemolem el obengterir tirke el mla mesuld a ngklir me a lechub tirke el di tir ngubet a ngklir, e kede mocha merrob er a omesmechokl er a Jehovah. Lak mobes el kmo a Jehovah a mesmechokl er a chad el “mo er sel kirel.” (Jer 30:11, NW) Me ngsoad el melemolem el oltirakl er a rolel a Jehovah a losmechokl e meruul a rokui el sebeched el melisiich er a deleuill er kid el obengkel, e diak doridii a omeltked el kmo nglmuut el mei er a chubechub el Demad.​—Isa 1:16-18; 55:7.

MOMES ER A VIDEO EL MAINTAIN LOYALTY WITH A UNIFIED HEART, E MONGER AIKA EL KER:

• 

  Ngera el ringel a bo lomelechesiu er ngii a ruungalek el Kristiano sel taem el ngelekir a ngiltii el mo cheroid er a Jehovah?

• 

  Ngmekera ongdibel e ngosuterir a reblak a rengrir el chedal a telungalek er a chad el milsuld a ngklel?

• 

  Ngera el cheldecheduch er a Biblia ochotii a klungel a ultutelel a bo lemesisiich a blakerreng er kid el mora Jehovah er a blakerreng er kid el mora telungalek er kid?

• 

  Kede mekera nguu a blakerreng er kid el mora Jehovah el mo ngaruchei er a blakerreng er kid el mora telungalek er kid?