Omesmechokl a Olechotel a Bltikerreng er a Jehovah

A omesmechokl a melutk el kirel a ulekrael me a osisechakl engdi ngdirrek el uldimukl er a omellach me a omeklemalt. A Jehovah a mesmechokl er kid me bo el sebechel a omengull er kid el odeuir a rengul. (Rom 12:1; Heb 12:10, 11) A lebebil e a omesmechokl a locha kmal mo meringel er kid engdi ngmo uchul a llemalt me a klengeltengat. (Osi 10:7) Ngera kirir tirke el mesmechokl er a rebebil me tirke el ngmai a omesmechokl el melatk?

Ngike el mesmechokl. Remechuodel, ruungalek, me a rebebil a melasem el omeskid a omesmechokl el ngar er a ungil rolel e mengai a uchetemel er a bltikerreng el di ua Jehovah. (Jer 46:28) Ngmo lmuut er a mesisiich el omesmechokl me ngkirel meketmokl er a melemalt el rolel e oeak a bltikerreng.​—Tit 1:13.

Ngike el nguu a omesmechokl. A ngii di el omesmechokl el dengai a diak el kired el oltngakl ngbai soad el melasem el mereched el mo oltaut. (Osi 3:11, 12) Ngdiak demecherrungel me kede rokui el ousbech a omesmechokl, e a omesmechokl a mei el oeak a kakerous el rolel. Kede locha ngmai loeak aike el dechuiu er a Biblia me a lechub aike el derenges er a miting er a ongdibel. Me a lechub a rebebil a ousbech a omesmechokl el mlara chelechad er a remechuodel el oukerekeriil. A otutel a omesmechokl el dengai a mo uchul a klengar er kid.​—Osi 10:17.

MOMES ER A VIDEO EL “THOSE WHOM JEHOVAH LOVES HE DISCIPLINES,” E MONGER AIKA EL KER:

• 

  Ngmle uangera klengar er a Canon er a uchelel, e milekera mengodech?

• 

  Ngera el omesmechokl a lengiluu er a Jehovah?

• 

  Ngera ngosisecheklid a tekoi el dilubech el mo er ngii?