Molemolem el Kltmokl er Chelecha el Dengar er a Ulebengelel a “Uriul Sils”

Chelecha el dengar er a ulebengelel a “uriul sils” e kede mo chemau a ringel el ngii a di merael el lmuut el mo meringel. (2Ti 3:1, BT; “ringel er a rengelel a cheroll” notes er a omesubel a Biblia el kirel a Mt 24:8, nwtsty-E, mwbr18.03 4 el llel) Me sel duubech a tellemall er a beluu e a rechedal a Jehovah a blechoel ngmai a ulekrael er sel blsechel, el ngii a dirrek el olsobel a klengar. Me a osebeled er seikid el taem a di mo ultuil er a bo doba blekongesenges er chelechang e deketmokl aike el dousbech er a tekoi er a klereng me a klechad.​—Lk 16:10.

• Bo mkltmokl er a tekoi er a klereng: Bo lengar ngii a ungil rolel a omesubem. Mosuub a kakerous el rolel a domerk er a klumech. Lak bo louedikel a rengum a lsekum e ke mo cheroid er a rechad er a ongdibel el telkib el taem. (Isa 30:15) A Jehovah me a Jesus a kmal diak lebo el cheroid er kau.​—od-E 176 par. 15-17

• Bo mkltmokl er a tekoi er a klechad: A derta el telungalek a kirel ngar ngii a deterir el kltmokl el kirel a leduubech a bkaischemrungel el tekoi. Ngdirrek el kirel ngar ngii a kltmokl el kall, ralm, kar, me a lmuut el bebil el bo mousbech a lsekum e ngmo kiriu el di kiei er a blai el kemanget el taem.​—Osi 22:3; g17.5-E 4, 6

MOMES ER A VIDEO EL ARE YOU PREPARED FOR A NATURAL DISASTER? E MONGER AIKA EL KER:

• 

  Ngmekera deketmeklid er a tekoi er a klereng el kirel a leduubech a tellemall er a beluu?

• 

  Ngera uchul me ngkired el . . .

  • ungil chadecheduch kid me a remechuodel?

  • kutmeklii a emergency kit er kid?

  • melatk a kakerous el bedengel a tellemall el sebechel duubech e melatk a bo doruul a lsekum e ngduubech?

• 

  Ngera edei el rolel e ngsebeched el olengeseu er a rebebil el chelebangel a tellemall er a beluu?

DI LEKAU EL OKER, ‘Ngera ak siluub er a rakt el COVID-19 el kirel a bo dekltmokl?’