Mousbech er a Mkiei el Mo Cherechar! Sel Momerk er a Klumech

Ngkmal dmeu a rengud e le ngar ngii a beches el brochure me a book el dousbech er ngii el mesuub el obengterir a rechad! Me kede meluluuch el kmo a Jehovah lomekngeltengat er kid el mo meruul er a relmuut el betok el disaiplo. (Mt 28:18-20; 1Ko 3:6-9) Ngmekera dousbech aika el beches el dongu?

A Mkiei el Mo Cherechar! a mla ngodechii a rolel a dolisechakl e le ngdi ngar a rolel a cheldecheduch. Moltirakl aika el ulekrael sel prepare el mora study me sel mosuub lobengkel a chad.*

• Monguiu er a suobel e mosaod a ker

• Monguiu aike el “monguiu” el bades e mngesuir a chad el mo mtab a belkul

• Momes e mosaod aike el video el ousbech aike el ker el ngar ngii

• Molasem el rokir a derta el suobel sel mosuub

Sel momerk er a klumech e bsa chad a brochure el kot e mesa el kmo ngsemeriar me a lechub e ngdiak. (Momes er a baks el “Rolel Omorous er a Mkiei el Mo Cherechar! el Brochure Sel Omkot el Mengedecheduch er a Chad.”) A lsekum e kom rokir a brochure e ngii a dirk soal mesuub, e bsang a book e momuchel er a 4 el suobel. E a lsekum e ke mesuub lobengkel a chad er chelechang loba Biblia Olisechakl me a lechub e ng Bltikerreng er a Dios, e moiuelii el mora Mkiei el Mo Cherechar! el book e mesa el kmo ko momuchel er ker.

MOMES ER A VIDEO EL WELCOME TO YOUR BIBLE STUDY, E MONGER AIKA EL KER:

• Ngera te mo suub er tia el beches el babier a remesuub a Biblia?

• Ngera uchul me ngungil a omochotii tia el video el mora rebeches el mesuub?

• Ngera el turrekong a ungil a omokekokau el melisiich er a chad el mesuub el mo meruul e oltaut?​—Momes er a chart el “Moktek me a Turrekong er a Derta el Bliongel”