Mouchais er a Ungil Chais el Kmo a Beches el Beluulechad a Kmedang!

A November e kede mo meruul er a ileakl el ureor el ouchais er a ungil chais el kmo, a beches el beluulechad a kmedang. (Psa 37:10, 11; Och 21:3-5) Mrellii a schedule er kau me bo el sebechem el mo mui el teloi er tia el ureor. Tirke el mo auxiliary pioneer er tia el buil a sebechir el melilt el mo meruul a 30 me a lechub e ng 50 el sikang.

Mketmeklau el mo ouchais er a bades el kirel a beches el beluulechad el mo er tirke el rokui el sebechem el ouchais er tir. Sel molilt er a bades el bo monguiu er ngii, e molatk aike el sorir a rechad er a territory. E a lsekum a chad a olecholt er a klemeriarreng e bsa No. 2 2021 el Ongkerongel el mora buai. Mluut el mo odngelii er a di mereched el taem e molasem el mechelii a omesubel a Biblia lobengkel lousbech er a Mkiei el Mo Cherechar! el brochure. Ngkmal dmeu a rengud el sebeched el mui el teloi er tia el ureor el ouchais er a “ungil chais el kirel a lmuut el ungil tekoi”!​—Isa 52:7, NW.

MOMES ER A ORIGINAL SONG EL VIDEO EL THE NEW WORLD TO COME, E MONGER AIKA EL KER:

• Ngera el ungil klengar a lolatk er ngii ngike el kekerei el ngalek?

• Ngera bebil tekoi el momes el beduluchei el kirel er a beches el beluulechad?

• Ngmekera omelebedebekem er a omelatk el mobang e ngosukau el mo mui el teloi er a ureor el mo er ngii er a November?​—Lk 6:45