MKIEI EL UA KLENGAR ER A REKRISTIANO
Mosiik er a Uldesuel a Dios
Ngkmal soad lodeuir a rengul a Jehovah el ngar er a bek el tekoi el doruul. (Osi 27:11) A doruul er tiang e ngkired el meruul a omelilt el ngii oltirakl er a uldesuel, mo lmuut er aike el tekoi el diak lebleketakl a llechul el kirel. Ngera sebechel ngosukid?
Lengar ngii a schedule er kau el mesuub er a Biblia. Bek el taem el donguiu er a Biblia e ngua dongoit a taem lobengkel a Jehovah. Ngsebeched el mo medengelii a rolel a lomdasu a Jehovah sel dosuub omerellel el mora rechedal me sel dorriter omerellir tirke el ngar osengel e te mirruul a ungil me a lechub e ngmekngit. Sel lebo el kired el meruul omelilt, e a chedaol reng a mo ngosukid el dobedebek a meklou a ultutelel el suobel me a omellach el desiluub er a Tekingel a Dios.—Jn 14:26.
Moruul a research. Sel lebo el kirem el meruul omelilt e di lekau loker, ‘Ngera el bades me a lechub e ngcheldecheduch er a Biblia sebechel ngosukak el mo medengelii a uldesuel a Jehovah el kirel tia el tekoi?’ Moluluuch lolengit er a ngelsuil a Jehovah e mousbech aike el dongu el bla lotobed a cheldebechel el ngar er a omelekingem, el meruul a research me lengesukau el metik omellach er a Biblia el chatter er a blekeradel el omngar ngii e bo moltaut.—Psa 25:4.
MOMES ER A VIDEO EL WE MUST “RUN WITH ENDURANCE”—EAT NUTRITIOUS FOOD, E MONGER AIKA EL KER:
Ngera el orimel a blo lechebangel odos er a video?
Ngmekera sebechem lousbech aike el dongu er kid el kirel a research el ngosukau el kirel chouaika el orimel?
Ngera el klungiaol a dengai sel dongoit a taem el meruul a research me a omesubed el di kid el tang me bo lsebeched el meruul a ungil omelilt?—Heb 5:13, 14