Ngera Turrekong er Kau el Kirel a Beches el Rak er a Omesiou?

Turrekong er a klereng a melutk el kirel a ngii di el tekoi el doureor el meringel el kirel, me bo lsebeched el mui el mesiou er a Jehovah e derellii el mo dmeu a rengul. Ngngosukid lolengeriakl er a klemerang, e kmal rredemelel a dongoit a temed me a klisichel a bedenged el kirel. (1Ti 4:15) Ngera uchul me ngkired el blechoel el merriter a turrekong er kid? E le blekeradel a mengodech. A turrekong er kid er a uchei a locha mla mo diak el tabesul me a lechub e kede mla otutii me ngsebeched el rullii a kuk ta er a turrekong.

A ungil taem el dorriter a turrekong er kid a uchei er a lomuchel a beches el rak er a omesiou. Kau, ngsebechem el mesaod er tiang er a temel a omengull el telungalek er kemiu, e remuul a turrekong er kau me a dirrek el turrekong er kemiu el telungalek?

Ngera turrekong er kau el kirel a derta er aika el tekoi, e ngera sebechem el meruul me bo motaut?