A Bo Dungil Chad e Ngmo Oterekeklii a Ungil Klengar el Kired?

Rebetok el chad er a chelsel aika el betok el rak oumerang el kmo a bo lungil a blekerdelir e ngoterekeklii a ungil el klengar el kirir. El ua tiang, a rebetok el chad er a Asia a kmal loumerang a tekingel a merael a chisel chad e sensei el Confucius (551-479 B.C.E.) el kmo: “Aike el diak el soam a loruul a rechad el mo er kau lak moruul el mora rechad.”a

ULDASU EL BETOK A OLTIRAKL ER NGII

A rebetok a oumerang el kmo a lsekum e ngmo ungil a blekerdeled e ngmo ungil a klengar er kid. Te olecholt omengull el mora rechad, omekeroul a ungil blekeradel, meruul a ngerechelir, e melemolem el klikiid a ukltkir. A redil er a Vietnam el Linh a melekoi el kmo, “Ak kmal uluumerang el kmo a lsekum ngmelemalt a omerellek e ngmo ungil a klengar er ngak.”

Ngika el osisiu el redil el serve a kall el mora remechebuul e homeless.

A rekuk bebil a meruul a ungil e le ngklaumerang er tir er a klechelid er tir a uchul. A chad er a Taiwan el Hsu-Yun a kmo, “Ak mlosisechakl el kmo a omerellel a chad er a lengar a mo oterekeklii el kmo ngmo ungil a klengar er ngii er a uriul er a kodall me a lechub e ngmo chuarm el diak a ulebengelel.”

NGMERA EL UAISEI?

Ngika el redil er a ulebengelel a sils er ngii el mekngit a rengul e mesaul a bedengel el menguoku er a ngelekel.

Ngklemerang el kmo sel doruul a ungil el mora rebebil e kede ngmai a betok el klungiaol. Me nguaisei engdi a rebetok el kmal melasem el meruul a ungil el mora rebebil a metik el kmo a rechad a diak leblechoel el meruul a ungil el mo er tir. A redil er a Hong Kong el Shiu Ping a kmo, “Ak mlo suubii el kmo tirke el meruul a ungil a diak leblechoel el ngmai a ungil. Ak kmal mlora tkurrebab el sebechek el mengetmokl er a telungalek er ngak e meruul a ungil. Engdi a chebechiielek a miltemall me a bechik a chilitak ngak me a ngelekam el sechal.”

A rebetok a mla mesa el kmo a klechelid a diak leblechoel el rulleterir a rechad el mo ungil chad. A Etsuko el redil er a Siabal a kmo, “Ak mlo teloi er a cheldebechel er a klechelid e ulemuchel el organize a activity el kirir a rengeasek. Ngkmal mlo mechas a renguk e le kmilsa el kmo te ngar ngii a rebebil chad er a klechelid el mirruul a deleboes, mle kaisichai el kirel a klisiich, e ulumulak e ousbech a udoud er a ikelesia.”

“Ak kmal mlora tkurrebab el sebechek el mengetmokl er a telungalek er ngak e meruul a ungil. Engdi a chebechiielek a miltemall me a bechik a chilitak ngak me a ngelekam el sechal.”—SHIU PING, HONG KONG

A rebebil el kmal mle blak a rengrir er a klechelid er tir a kmal mekngit a rengrir le te kmal meruul a ungil engdi ngdi duubech a mekngit el mo er tir. Tiakid a blo lomelechesiu er ngii a Van el redil er a Vietnam. Ngmelekoi el kmo: “Ngmle bek el sils el kulab a rodech, bung, me a kall el mo oldars er a olengetongel er a rebeldekek, el omeltkek a kmo ak mo ngmai a klengeltengat er a ngar medak. Malta ngkmal mle blak a renguk el meruul er tiang e mirruul a ungil el betok el rak, engdi bechik a kmal mlo smecher. E a ngelekek el kmal dirk mle kekerei el redil a mlad er a lengar er a skuul er a ngodech el beluu.”

A UCHUL ME NGNGESONGES A DI BO DUNGIL EL CHAD

Ngkmal klou a ultutelel a bo dungil el chad engdi tia dirk ngesonges. E ngera uchul? Molatk aike el lolekoi a Chedaol Llechukl.

NGDIAK EL BEK EL CHAD A MO MELILT EL MO MERUUL A UNGIL

“Ngdi tal mekngit el chad a di tomall a betok el ungil.”—OLISECHAKL 9:18.

Mo lmuut er a omsal melasem el mo ungil chad me ngsebechem el metemall er a omelilt el loruul a rebebil el di melatk er a di tir. El ua tiang, a temel a pandemic e ke kmal loltirakl a ulekrael er a remerreder er a beluu e mengeroid er kau er a rechad. Engdi ngera mo duubech a lsekum a rebebil a diak el sorir el loltirakl? A omerellir a sebechel mo uchul e tirke el oltirakl a llach a mo smecher.

A RECHAD A SEBECHIR EL MECHEUID ER A UNGIL ER A MEKNGIT

“Ngar ngii a rael el rengul a chad ng melemalt, e a lechub e ng rael el mor a kodall.”—OSISECHAKL 14:12.

A reksi a mui er a rechad el ulemdasu el kmo te mirruul er a llemalt engdi te mlo metik er a uriul el kmo te kmal cheleuid. A ungil moktek a diak leterebengii a kngtil a mekngit el omelilt.

A KLENGAR A DIAK LULTEREKOKL

“Ng kmal diak modengelii a di telkib el klukuk er kemiu el kmo ng mo ua ngerang!”—JAKOBUS 4:14.

Mo lmuut er a ungil chad me ngsebechel di kiul mad. El ua tiang, a temel a COVID-19 el pandemic e te betok el mle volunteer el olengeseu a mlad. Me a lechub e molatk er a redil er a Sina el Liting el demal a mle accident el mad. Ngmelekoi el kmo: “Ngkmal dimlak el sebechek el understand el kmo ngngera uchul me a kmal ungil a blekerdelel el chad a mlad. A demak a kmal mle chad er a ureor, e ngariou a rengul, el diak a cheleblad er ngii. Ngdi mle ngii a mad er tia el accident.”

Me a lsekum a bo dungil el chad a diak loterekeklii a klengar er a ngar medad, e ngera sebechel? Kede ousbech er a tekoi el sebeched loumerang er ngii, el sebechel longer a kerid e mekrolid el mora melemalt el rael. Tia kede metik er ngii er ker?

a A lsoam a komakai el omesodel a osisecheklel a Confucius e momes er a 7 el bliongel er a Mankind’s Search for God er a parakurab 31-35 el ngii a book el lultebedii a Resioning er a Jehovah e sebechem el metik er ngii er a www.jw.org.