A Rokui el Chad a Sorir Loterekeklii a Ungil Klengar el Kirir er a Ngar Medad
Kau, ngsoam a bo le uangerang a klengar er kau? Ke locha ua ruumesingd el chad el soam a bo lungil a klengar el kirem kau me a telungalek er kau, el ngar ngii a deurreng me a budech er ngii e ungilbesmiu e mesisiich a bedengiu.
Me nguaisei engdi a rebetok el chad a diak loumerang el kmo ngsebechel mo ungil a klengar er tir. A bkaischemrungel el blekeradel el ua COVID-19 el pandemic a mla tomall a klengar er a rechad, e mekdubech a chelebuul, e mekodeterir a rebetok el chad. Sei a uchul me te melechesuar el kmo, ngdiak lulterekokl a klengar er tir.
Klengar el diak lulterekokl a uchul me a rechad a kmal losiik a ulekrael el kirel a mo uchul e ngsebechir loterekeklii el kmo ngmo ungil a klengar er tir. A rebebil a oumerang el kmo ngngar ngii a mesisiich el reng el omtebechel er a klengar er kid. A rebetok a omes el bedul a ngarbab el skuul me a kerruul e le te omdasu el kmo aikang a oterekeklii el kmo te mo ngmai aike el sorir. E a rekuk bebil omdasu el kmo a bo dungil el chad e ngmo ungil a klengar er kid.
Aika el tekoi ngsebechel ngoikau el mo er sel klengar el mosiik er ngii? A bo dodengelii a nger er tiang e ngkired el onger aika el ker:
Ngera oterekeklii el kmo a klengar er kid a mo ungil er a ngar medad?
A ngarbab el skuul me a udoud ngsebechel el oterekeklii a ungil klengar?
A bo dungil el chad e ngoterekeklii a ungil klengar?
Kede mo er ker e metik a ulekrael el oterekeklii a ungil klengar el kired er a ngar medad?
Tia el Ongkerongel a mo ngosukau el metik a nger er aika el ker.