ROLEL A DETEREBENGII A LEMELEMEL A KLTUI

1 | BLak Mongetukel

A Biblia Kmo:

“A Dios a meral di osisiu er a rengul a re bek el chad. Ma chad er a ngii di le beluu el mengdekudel er ngii e meruul a melemalt a diak bo le chitii.”—RELLIR 10:34, 35.

Belkul a Bades:

A Jehovaha el Dios a diak lomes er a beluu el dechad er ngii, chiro er a bedenged, me a lechub e ngsiukang er kid. E ngbai omes er a uldesued me a rengud. Nguaisei a “chad omes er a ikrel, e ngdi [Jehovah] omes er a rengul a chad.”—1 Samuel 16:7.

Sebechem el Meruul er Ngii:

Me alta ngdiak el sebeched el menguiu a reng engdi ngsebeched el melasem el mo oba osengel a Dios el kirir a rechad. Mesa chad el diak el bliongel er a rechad. A lsekum ke mtebengii el kmo ngmekngit a uldesuem el kirir a rebebil el tir a locha chad er a ngodech el beluu, e moluluuch el mora Dios e molengit er ngii me lengesukau el mo diak momdasu el uaisei. (Psalm 139:23, 24) A lsekum e ngmera el ngar er a rengum lolengit er ngii me lengesukau el mo diak mongetukel, e ngkmal sebechel mo ulterekokl a rengum el kmo ngmo rongesau e ngosukau.—1 Petrus 3:12.

a A Jehovah ngklel a Dios.—Exodus 3:14, 15, footnote.

“Ngdirkak a ta el kdengchokl el budech a delongelek ngak me a becheleleu el chad . . . Chelecha e ak chedal a klodam er a rechad el meliuekl er a beluulechad el rokir.”—TITUS

Experience er a Rechad—TITUS

Mlo Mesisiich er a Kltui

A Titus a mle chedal a cheldebechel er a rechad el kmal kesib a rengrir er a llach er a beluu el milleakl er a rechad. Ngdmu el kmo: “Aki blechoel el mora ike el basio el dimlak el sebechir a remechedelekelek el chad el mo er ngii el mo omuchel a klakoad, el ua rua hotel me a bar.” A Titus a di bleketakl el melekoi el kmo ngmirruul aikang el klsbengel a rengul a uchul. Ngdirrek el melekoi el kmo: “A lsekum ak mo kaumondai ngak me a chad, el sechal me a lechub e ngredil, e ngak a blechoel ngike el kot el mo oldechelakl.”

A Titus a mlo melodech a blekerdelel er a lomuchel el mesuub a Biblia lobengterir a Resioning er a Jehovah. A omengiuel er a Biblia a ngar ngii a lerirellii el mo er ngii. Ngkmal rirtechii a rengul a telbiil er a Biblia el kirel a ngar medad el kmo, “ng dikea lluut el mor ngii a kodall, e mo diak a klengiterreng, ma langel, ma ringel.”—Ocholt 21:3, 4.

Ngkmal mle meringel er ngii er a uchelel el mo diak louketui er a rechad. Ngdmu el kmo: “Ngkmal mle meringel er ngak a melodech er a uldesuek me a omerellek.” Engdi a Rellir 10:34, 35 a ngilsuir. Tia mesaod er a Dios el kmo ngdiak longetukel er a rechad.

Me ngngera dilubech? A Titus a kmo: “Sera kisa bltikerreng er a delongelir a Resioning er a Jehovah el tir a chad er a kakerous el beluu e ngmlo ulterekokl a renguk el kmo te olisechakl er a klemerang. Mo lmuut me a uchei er a kmetecholb e a becheleleu el chad er a ongdibel a mle invite er ngak el mo omengur er a blil. Ngmle meringel er ngak oumerang el kmo tia mera el dilubech. Ngdirkak a ta el kdengchokl el budech a delongelek ngak me a becheleleu el chad me a lechub e bo kumengur er a blil. Chelecha e ak chedal a klodam er a rechad el meliuekl er a beluulechad el rokir.”