Ngeso er a Uldasu er Omesuub

Moterekokl el Kmo Ngngera Lmuut el Meklou a Ultutelel

Kede rokui el diak el klou a temed el mesuub el di el kid el tang. Me ngmekera sebeched el mo ungil lousbech er ngii? A kot, e mongoit er a taem el mo ungil medengelii omonguiu er ngii. Ngklou el klungiaol a obo mnguu a omosuub er a di kekerei e mongoit er a klou el taem er ngii, er a omorrechereched el menguiu a betok.

E a uriul e moterekokl el kmo ngngera lmuut el meklou a ultutelel. (Efe. 5:15, 16) Molatk aika el tekoi el sebechel ngosukau:

• Monguiu er a Biblia er a bek el sils. (Psa. 1:2) A schedule er a omengiuel a Biblia el kirel a Miting er a Klengar me a Omesiunged a sebechel ngosukau el omuchel.

• Mketmeklau el kirel a Omesubel a Ongkerongel me a Miting er a Klengar me a Omesiunged. Bo mkltmokl el mo onger.​—Psa. 22:22.

• Molasem el menguiu aike el lmuut el bebil er a beches el kall er a klereng el motobed, el uaike el magazine el mora buai, video, me a suobel el motobed er a jw.org.

• Mrellii a project er kau er omesuub. Ngsebechem el meruul a research el kirel a omelsemai el omchelebangel er ngii, me a lechub e ng topic er a Biblia el soam el lmuut el mo ungil medengelii.